تنتشرالأكمنة الأمنية في المحاور والميادين والطرق الرئيسية، لضبط الخارجين على القانون، وردع يد كل مجرم تسول له نفسه للعبث فى أمن بلدنا المحروسة، ولتجنب الاشتباه بك ولعدم تعرضك لإطلاق النار من قبل الأكمنة الأمنية، عليك اتباع 7 نصائح حددها الخبير الأمنى اللواء محمد نور مساعد وزير الداخلية الأسبق وهى:
1 - تهدئة السرعة عند الاقتراب من الأكمنة الأمنية.
2 - إطفاء الإضاءة العالية
3 - تشغيل فلاش “STOP”
4 - إضاءة مصباح السيارة الداخلى ليتمكن أفراد الكمين من معرفة ما تحتويه السيارة من الداخل.
5 - تحضير رخص السيارة وإثبات الشخصية وتقديمهم عند الحاجة.
6 - عدم محاولة الهروب من الكمين الأمني بسبب المخالفات الإدارية البسيطة " عدم حمل الأوراق الشخصية أو الرخص" حتى لا تتعرض للخطر.
7 - فى حال نسيان أوراق تحديد الشخصية يجب التحدث مع ضابط الكمين بكل هدوء حتى يتصل بمن يحضرهم لك.
عدد الردود 0
بواسطة:
بنت مصرية
الموضوع مش بسيط !!
الموضوع بيتكلم عن اطلاق الكمين للنار على السيارة وكأنه حاجة بسيطة وبتحصل كل يوم !! عامة الكمين مبيضربش نار على سيارة ابدااااا الا اذا السيارة كسرت الكمين وهربت !! لأنه فى الحالة دى المتوقع ان قائدى السيارة دى مجرمين بيحاولوا الهرب !! فطبيعى ان الكمين يضرب نار على السيارة علشان يمنعهم من الهرب !! ومن الغباء الشديد ان حد يحاول يهرب من كمين لمجرد ان ممعاهوش رخصة مثلا او انه رخصته منتهية او حتى سايق من غير رخصة اصلا !! لأنى مش منطقى انى اعرض نفسى لضرب نار علشان مدفعش الغرامة !!حتى لو سايق وممعاييش رخصة او اثبات شخصية , اخر الكمين انه هياخدنى على القسم لحد ما اتصل بحد يجيبلى اثبات شخصية او ييجى يضمننى على مسئوليته , مفيش اكتر من كده !! انما كونى اهرب من الكمين فده اثبات انى مجرم بيحاول الهرب , زى ان يكون معاه مخدرات او سلاح غير مرخص او ارهابى او هارب من حكم قضائى او سارق سريقة وهربان بيها او لسة مرتكب جريمة حالا وعاوز يهرب !! الكماين مش بتضرب النار عمال على بطال كده !!
عدد الردود 0
بواسطة:
memo
معلومات مفيه
شكرا للجريده علي التوعيه لانه يحدث الكثير من الحوادث لعدم تجنب هذه النصائح بالفعل
عدد الردود 0
بواسطة:
mido mido
تنتشر الأكمنة الأمنية في الميادين والمحاور لضبط الخارجين على القانون
وأكبر دليل على كده محمد فريد شوقي اللي إتخطف في عز الضهر ومن قلب شارع شهاب بالجيزة وخرج بنصفه من سيارة الخاطفين ليستغيث بالأكمنة الأمنية ولكن لاحياة للأكمنة الأمنية ... وسلملي على الأكمنة الأمنية وتحيا مصر ..
عدد الردود 0
بواسطة:
بنت مصرية
الى رقم 3 !!
الأخ ميدو هو انا ممكن اسأل حضرتك شوية اسئلة ؟؟ هو حضرتك كنت موجود وقت خطف المواطن ومتأكد انه حاول الأستغاثة بالأكمنة وان الأكمنة مسألتش فيه ؟؟ ثانيا حضرتك جبت منين ان المجنى عليه اتخطف من شارع شهاب ؟؟ كلنا نعرف انه اتخطف من ستة اكتوبر الحى العاشر !! وتحديدا من على مقهى كان قاعد عليه هناك ؟؟ ثالثا , المواطنين الشرفاء من سائقى السيارات اللى مرت عليهم سيارات الخاطفين وشافوا المجنى عليه وهو بيستغيث بيهم ليه محدش منهم فكر يطلب البوليس ويبلغهم ان فيه سيارة اوصافها كذا وارقامها كذا ومارة بالطريق الفلانى هما شاكين انها خاطفة مواطن !! اكيد لو تلت مواطنين من السائقين اللى شافوا الواقعة كانوا عملوا كده كان البوليس هياخد المسألة مأخذ الجد ويحاول يمسك عربية الخاطفين , لكن للأسف المواطنين الشرفاء دول قالوا واحنا مالنا !! هو مطلوب من البوليس انه يطارد كل عربية ماشية على اى طريق علشان يتأكد انها مش خاطفة حد !! هو حضرتك لو شفت لصوص بيقتحموا شقة جيرانك وقلت وانا مالى وعملت ولا كأنك شفتهم , هل من حقك ساعتها تلوم البوليس انه ممسكهمش ؟؟ يا اخ ميدو قبل ما تلوم البوليس اللى زى ما بتقول مسألش فى المواطن المخطوف رغم استغاثته , لازم تلوم المواطنين اللى شافوا وسمعوا وطنشوا وقالوا ملناش دعوة , وتلوم نفسك لو كنت حضرتك منهم !!