ليه دلوقتى بتصارحيني
إنك كنتى بتحبيني
وإنك قلبى وروحى وعيني
وإنك كنتى بتستنيني
متخليكى زى ما كنتي
عايشة ف حبك
كاتمة ف قلبك
ودموعى شيفاها ف عيني
ليه دلوقتى بتصارحيني
بعد ما قلبك داس على قلبي
بعد حياتى ما ضاعت ليكي
مش هديكى أبداً حبي
ولا يوم تانى هفكر فيكي
ولا يوم تانى هفكر فيكي
عذبتينى ….. وجرحتيني
وجايه تقولى بتحبيني
لا يا حبيبتي
لا ياحبيبتى قلوبنا خلاص
ضاعت ببلاش ومفيش إخلاص
واللى راح من عمرى راح
مره تانية مش هيجيني
ليه دلوقتى بتصارحيني
مش هستنى منك تاني
نظرة عين ولو لثواني
تفتكريها تهز حناني
وترجع ليكى وجداني
ولا هستنى مجيك ليا
بالحزن اللى هيملى عنيه
والروح اللى كانت ليكي
صعب تلاقى فيها حنيه
صعب تلاقى فيها حنيه
إنتى خلاص شفتى نصيبك
وأنا مبقتش ياحلوة حبيبك
أجمل حاجة فى الدنيا مراتي
سكنت قلبى وكل ما فيا
شالت همى وحست بيا
بدعى أنا ربى ف كل صلاتي
تفضل روحى وكل سنيني
ليه دلوقتى بتصارحيني
إبعدى عنى روحى سبيني
عدد الردود 0
بواسطة:
ابوسعيد
روعه
كلام واحساس رائع ربنا يوفقك من نجاح الى نجاح
عدد الردود 0
بواسطة:
ابوسعيد
شاعر
طول عمرك شاعر متمكن ياريت حد يتبناك من الوسط فعلا تستاااااااااهل