قال المطرب الشعبى شعبان عبد الرحيم إنه سبب شهرة الرئيس الأمريكى دونالد ترامب، عندما هاجمه فى أغنيته الجديد "ترامب خلاص اتجنن"، والتى طرحها تنديدا لقرار الرئيس الأمريكى بنقل السفارة الأمريكية من إسرائيل إلى القدس.
وسخر المطرب فى تصريح لـ "اليوم السابع"، قائلا: "الرئيس الأمريكى اتشهر لما أنا غنيت له، وبنصحه يبعد عن السياسة لأنه أثبت أنه مايعرفش يلعب سياسة خالص ومالوش فيها"، واستكمل: "القدس عربية وهتفضل عربية أبد الدهر".
وتقول بعض كلمات الأغنية الجديدة :" ترامب خلاص اتجنن.. محتاج يا ناس قفص، وكله يخلى باله.. لو عض أو رفس، مالك ومال القدس.. أما أنت راجل رذل، كبرت خلاص يا ترامب.. ولازم تعتزل، عامل علينا معلم.. علشان إحنا دلعناك مافيش غير بس كوريا.. هى اللى مظبطاك، إكمنك شكل هوجان.. ماشى تخبط بإيديك، مافيش غير كيمو يانج.. هو اللى بيقدر عليك، يا راجل اختشى على دمك.. بجد عيب عليك".
تم أضافة تعليقك سوف يظهر بعد المراجعة