خالص عزاءنا لكل أهالى شهداء مسجد الروضة فى بئر العبد بالعريش فى سيناء التى تجلى ربنا على ارضها والتى ستظل محفوظة ومنصورة فالله يحرسها و بحق كل الدماء البريئة التى سالت وبحق كل دمعة نزلت من فقد ابن او اخ او زوج سنظل صامدون مدافعين عن وطننا ومشروع شهيد وما أعظم الشهادة لأجل الوطن فالوطن باقى والأشخاص زائلون واوعى احد يقنعك انهم اتقتلوا علشان صوفيين دول اتقتلوا علشان مش متعاونين مع الإرهابين.
واوعى تصدق أن المسيحى بيتقتل علشان كافر ده بيتقتل علشان يعملوا فتنه طائفيه.
واوعى تصدق انهم اسلاميين دول مرتزقه بينفذوا مهمه هدم الدولة هما عايزين ياخدونا لقصة التصنيفات والهوية، لا يوجد بيننا مسميات سوى جماعة واحدة اتخذت اسما والصقتة بالاسلام جماعة الخيانة فليسوا اخوان لنا بل شرذمة، دول قتلة هدفهم القتل فلا حوار معهم وكل من يدعمهم او يحرض ويبث سمومة مشارك معهم فى الجريمة وقاتل مثلهم ويجب علينا أن نساعد الدولة فى فضحه وعقابه وان يفعل قانون الجرائم الالكترونية ويتم القبض عليهم وان يتم تتطهير مؤسسات الدولة من كل من يعتنق هذة الافكار المسمومة .
احنا فى حالة حرب بالتوازى مع تصويب الخطاب الدينى المعتدل وتنقية كتب التراث ومصادرة كتب الفتنة شعب مصر عمرة ما هيتفرق وينقسم لان فضح وهدم مخططهم فى 30 يونيو صعب اوى احد يفرقه او يمس امنه القومى .
اكبر رد على الارهاب زى ماقال الرئيس السيسى اشتغل واتعب اكتر وابنى بلدك هتنجح ونجاحك دة بيجننهم اكتر دة ردنا الحقيقى عليهم ولازم نكون ايد واحدة .. هم عايزين يفرقوا الشعب ودة هدفهم احنا شعب جسور بشعب وجيش لهم درع وسيف وهيقضى عليهم تحت اى سماء واى ارض نجاح الجيش والشرطة والمخابرات فى العلميات الأخيرة مثل الواحات والعربات المفخخة وكشفهم وشبكة التجسس التركية عمليات ناجحة اوجعتهم كثيرا .. احنا بنحارب الارهاب نيابة عن العالم ومصر ستظل مقبرة الغزاة ...حفظ الله مصر وشعبها من كل سوء وشر.
تم أضافة تعليقك سوف يظهر بعد المراجعة