توعد رجل الأعمال محمد جمال الجارحى، بسجن المفكر ثروت الخرباوى، المتخصص فى شئون الحركات الإسلامية، بسبب الاتهامات التى أطلقها حيال والده بالتعاون مع جماعة الإخوان وقت أن كان محمد مرسى رئيسا لمصر، وقال: "لو عندك ورقة تثبت روح بيها للنائب العام وأنا وهو قدام بعض.. وأقسم بالله ما هسيبه غير وهو مرمى فى السجن".
وأضاف الجارحى، خلال مداخلة هاتفية لبرنامج "آخر النهار" الذى يقدمه الكاتب الصحفى خالد صلاح، عبر شاشة النهار: "أبويا معلمنيش الغلط علشان أغلط.. وإحنا رجال أعمال وطنيين بنتعامل مع كل الحكومات وعندنا مصانع وآلاف الأسر بتعمل فيها"، متابعا: "بقالى 4 سنين بورد حديد لكل المشروعات والهيئات العسكرية وبنحصل على موافقات أمنية".
ورد على اتهامات ثروت الخرباوى، قائلًا: "ميطلعش بدون ورق ويتكلم ولو اللى بيتكلم مجنون يبقى اللى بيستمع عاقل.. وأقسم بالله بكرة لهتشوف".
ورد الخرباوى على مداخلة محمد الجارحى ساخرا: "ده محمد جمال الجارحى.. ده شاب صغير.. بس أنا خفت.. هيرميني فى السجن.. يمكن كان صغير أكتر من سنتين أو تلاتة لما كتبت المقالات اللى بتهم أبوه فيها بالتفصيل.. وكل الكلام اللى قلته بالتفصيل".
