قال الدكتور طارق شوقى، وزير التربية والتعليم، إنه يتم إنفاق مليار و300 مليون جنيه سنويا على الثانوية العامة، مضيفا:" عايزين نشيل بعبع الثانوية من خلال تغيير نظام التقييم، كما أن هناك أهالى يشجعون أبنائهم على الغش ويرون الهدف اأساسى لهم هو الوصول بمقعد لأبنائهم فى الجامعة".
وأوضح الوزير أن إحدى أولياء الأمور أرسلت له رسالة قالت فيها :"أنا ابنى مش بيعرف يفكر وسيبونا من نظام التقييم اللى واجعين دماغنا بيه وسيبنا فى حالنا.. أنا عايزة مقعد لإبنى فى الجامعة".
وأشار "شوقى"، إلى أن ما قالته السيدة يعبر عن ثقافة شائعة تقول "النجاح إنك تخش الجامعة مش اللى بتتعلمه".
واضاف وزير التعليم، أن الثانوية العامة بالنظام الحالى "مرض"، والنظام الجديد لن يكون فيه مدرس الفصل له علاقة بأعمال السنة أو التصحيح أو وضع الامتحان، وتابع:"عايزين نشيل هيستريا الثانوية العامة".
فيما قال الدكتور جمال شيحة، رئيس لجنة التعليم بمجلس النواب، إنه حصل على وعد من رئيس الوزراء المهندس شريف إسماعيل، من أجل تخصيص 20 مليار جنيه من أموال غرامات البناء من أجل تمويل عملية تطوير التعليم.
واشتكى شيحة خلال اجتماع اللجنة، من عدم وجود تيار كهربائى داخل مدارس كثيرة وفقا لشكاوى المواطنين.
عدد الردود 0
بواسطة:
محمد سامى
معالى الوزير
وكم من مليارات اولياء الامور ؟؟؟
عدد الردود 0
بواسطة:
مصرى
ازاى وفين وامتى
حضرة الوزير المحترم ... المليار و300 مليون بيتم انفاقهم على ايه مع الاخذ فى الاعتبار الملاحظات التاليه . ............ اولا : طلبة الثانويه مش بتحضر للمدرسه طول السنه .... ثانيا المدرسين مش بيدرسوا حاجه فى المدرسه للثانويه العامه ( سنه ثالثه ) ثالثا : الطلبه بتاخذ دروس فى كل المواد ..... رابعا : الطلبه بتشترى كتب خارجيه وملازم ومش بتستعمل كتاب الوزاره ....خامسا. تصحيح التظلم الطالب بيدفع 100 جنيه عن كل ماده وحضرتك عارف قد ايه من الطلبه بيعمل تظلم وبدون فايده لان الطالب فى حالات نادره بيزيد درجه او اتنين بالعافيه سادسا . مش مدرس الماده هو اللى بيصحح الاجابات فى امتحان الثانويه لكن اى مدرس بياخذ نموذج اجابه بيصحح منه والنتيجه ان طلبه كتير بتتظلم فى التصحيح سابعا الطالب بيدفع رسوم دخول الامتحان ........... يبقى ازاى وفين وامتى بتصرف مليار و300 مليون جنيه على الثانويه العامه ؟
عدد الردود 0
بواسطة:
محمد
بتنفق مليار و300 على ايه ، طلبة الثانوية الصف الثالث مش بيروحوا المدرسة حضرتك بتنفق المبلغ على ايه
اه يمكن بينفق المبلغ على مستشارين الوزارة والموجهين وعلاوات للمدرسين هههههههه والمدرسين مش بتشرح للطالب لماذا عشان الطالب يروح للمدرس ياخذ عنده درس خصوصى ........ والمدرس بطبعه طماع مهما عطت له الوزارة لن يترك موضوع الدرس الخصوصى ........ عجبى على فساد هذه الوزارة