فى البداية
وقبل ما ابدأ بالكلام
إقبلى منى يا أمى السلام
منى و من صحابى الهُمام
اللى صعدت أرواحهم معايا
وإحنا هاجمين للأمام
واللى بسأل ربنا
يحشرنى معاهم يوم الزحام
سلامى ليكى ولأبويا ولكل الأنام
سلام معطر بالروايح
يبعت عبيره للى جاى واللى رايح
سلام لأبويا اللى عاش عمره يكافح
ومن عافيته كان يوزع بالصفايح
اللى ربــا واللــى عَـــلــم
واللــى أدب واللــى ســامـح
اللــى كــانت حــنيتــه نـهــر طــافـح
يـمـــلا الـتـرع والـقـنـايـة والمسابح
سـلامـى للـى كــان يـسـقـينا النصايح
و اللــى لـســه كــــلامــه فــى ودانــى
يــردد أوعـــى فــى الــحـرب تسـامـح
اليهود دول أهل لعنه
يتنصــب لـهـم مدابح
بــس يــا خـســارة يا أمــى
اللى تــاه وسـط النـصـايـح
إنه فــى مــرة قـالى حاسب
م اللــى يـلـبـس فـرو نعجة
وهو ديب فى الأرض سارح
أوعى تبكى فى مرة يا أمى
أوعى تنسى إنى للمجد رايح
وميعادنا يوم اللقا
على الحوض يوم التسامح
ومتزعليش يا أمى
لو يوم صوتى عيلى
أو مره إتغيرت فيا الملامح
فياريت يا أمى تصفحى
و لشهيدك تفرحى
و أوعى تدمعى
عشان عنيكى التعبانين
أنا أخاف لو تسهرى
أحسن يصبحوا دبلانين
وصيتى ليكى تصبرى
وتحمدى ربنا وتكبرى
و تقولى إبنى البطل
و عن دعوه ليا
أوعى يوم تتأخرى
وقبل ما أختم كلامى ليكى
سلامى لكل اللى حواليكى
اللى شايف خوفهم عليكى
واللى من كلامى بتدمع عنيهم
و اللى أكيد صعبان عليهم
وسلامى لكل الجيران
ولكل واحد شوفته مرة
من قريب أو من زمان
سلامى لبيتنا والحيطان
سلام لحلمى اللى ضاع
و اللى جالكم بسبه صداع
سلام لحلم حلمته ومقدرتش عليه
سلام لدنيا كانت معاندة ماعرفش ليه
سلام لاخويا اللى ماسلمتش عليه
كان فى الغربة غايب مشوفتش عنيه
سلام للشوارع والحوارى
سلام للعجايز ع القهاوى
ســلام للأدان لــمـا يــأدن
و الجوامع فى عمومها خـاوى
سلامى
للمساجد لما فى الجمعة تِكمل
و الـصــلاة فـى جــلابـيـة بـيـضا
و الــغـــدا فــى وســــط عــيـلــة
سلام للزحمة و للهيصة
سلم للمرور اللى مشكلته عويصة
سلام لبنت أخويا
كان نفسى أشوفها فى يوم عروسة
عارف يا أمى طولت عليكى
بس أعمل أيه هتوحشنى عنيكى
طول عمرك وأنتى بتقولى قصر فــ الكلام
و زود يا ضنايا فى الإحترام
وأخر وصية يا أم الشهيد
راح توصلك منى إيد بإيد
النهاردة يا أمى يوم زفافى
فوصيتى ليكى تفرحى
وبلاش يا أمى تنوحى
مع إنى عارف إن جرحك لسه غويط
بس عمرك شوفتى يا أمى عريس
بـيـزفـوه بالصويط
دا أنا هاين عليا أقولك وزعى
على روحى كحك وبسكويت
تم أضافة تعليقك سوف يظهر بعد المراجعة