بعد إحالة الدكتور على عبد العال رئيس مجلس النواب، مشروع قانون حماية المستهلك الوارد من الحكومة للجنة الشئون الاقتصادية لمناقشته وإعداد تقريرا بشأنه تمهيدا لعرضه على الجلسة العامة، ينشر "اليوم السابع" أهم المواد الجديدة فى مشروع قانون حماية المستهلك الجديد، كالآتى:
1 - إلزام التجار بالإعلان عن أسعار السلع والخدمات.
2 تغليظ عقوبات الإعلانات المضللة لتتراوح الغرامة من 10 آلاف إلى مليون جنيه.
3 تقنين وضع العمالة الحرفية بالتنسيق مع القوى العاملة لتسجيل العمالة الحرفية.
4 إلزام المنتج بتوفير قطع الغيار بعد انتهاء الضمان طالما أن العمر الافتراضى للمنتج سارى.
5 حظر الإعلان عن مشاريع الإسكان أو تقسيم الأراضى دون أن يكون هناك ترخيص صادر للمشروع وتحديد مواعيد الاستلام.
6 الفاتورة وجوبية والسعر شامل.
7 يحظر مشروع القانون على المورد الإعلان عن تخفيضات وهمية على خلاف الحقيقة، أو معلومات مغلوطة عن الأسعار بدعوى فرض ضرائب مثل القيمة المضافة أو التلاعب فى تاريخ الصلاحية.
8 منع استيراد أو إنتاج أو تداول منتجات أو الإعلان عنها على نحو يكون من شأنه التمييز بين المواطنين أو الإساءة لعرقهم أو لونهم أو دينهم، أو الإخلال بالآداب العامة.
9 حظر الإعلان عن المسابقات إلا بموافقة جهاز حماية المستهلك.
10 يحق للمستهلك استبدال السلعة المعيبة خلال 30 يوما بدلا 14 يوما.
عدد الردود 0
بواسطة:
حماده
هل تصدّق ؟
والله العظيم .. يوجد فكهاني .. ملاصق لمكتب حماية المستهلك .. بشارع الأقصر مدينة قنا .. محافظة قنا .. بجنوب صعيد مصر .. لايوجد أي اعلان عن أسعار الفاكهه المعروضه عنده للبيع ( مانجو . موز . عنب جناكليز . تفاح . جوافه . رمان ) .. ما رأي سيادة اللواء / عاطف يعقوب رئيس جهاز حماية المستهلك في هذا الأمر الغريب ؟
عدد الردود 0
بواسطة:
الشال باسم
رعاية الحيتان على حساب المستهلك الغلبان
لواخذنا سلعة الحديد وهى سلعة ضرورية لكل الشباب الراغب فى بناء مسكن بسيط نجد ان وزير التجارة والصناعة يفرض رسوم اغراق على المستورد الاقل سعرا من المحلى وفى نفس الوقت يترك الحبل على الغارب لمصاصى الدماء لرفع سعر الحديد المحلى دون ضابط او رابط حسبنا الله فيكم يا ظلمة
عدد الردود 0
بواسطة:
مواطن مصرى
شركات الأتصالات
تعرض خدمات مجانية تتحول بعد فترة قصيرة الى خدمات مدفوعة بطرق ملتوية,بمجرد الشحن يتم سحب الرصيد نرجو ايجاد حل لهذة المشكلة ثانيا مشكلة بيع الوحدة السكنية او المصيفية الى اكثر من شخص ونريد عقوبة مشددة لمن لايلتزم بتسليم الوحدة فى الميعاد المحدد...
عدد الردود 0
بواسطة:
ابو احمد
حماية المنتج
اهم بند وهوه الاخير اشترى جهاز من شركه كبيره واكتشف بها عيب والضمان سنه واتصل بالتليفون وفين لما يعبروك ويقولك حنبعت الفنى ولما يحضر يربط مسمار او سلكه ويقولك اى خدمه وكل سنه وانت طيب اما حمايه المستهلك او غرفه الصناعه للاسف يشغللك موسيقى ويلطعك على التليفون لغاية لما تزهق وتقفل الخط وفى النهايه تجيب عم عبده السمكرى يصلح السخان او الاسطى محمود ستلايت ويقولك ابدا مفهوش حاجه غير البورده عاوزه تتغير او الاسطى ازاز فوريون ويقول التكييف ناقص غاز ويهبش 5 حناطير اجرة الكشف بس ولو حتشحن يكلفك برزتيين كبار ودمتم اه على فكره كلهم اجمع قبل التصليح على كلمه واحده وهى ياه مالاقيتش غير النوعيه دى كنت قولى وانا اوقعلك حاجه حلوه استعمال الخارج وبنص التمن
عدد الردود 0
بواسطة:
د. غالى
سؤال وليس تعليق
السؤال موجه إلى الحكومة و مجلس المستهلك ( أقصد مجلس الشعب ) والسؤال هو : ممن تريد الحكومة والمجلس حماية المستهلك ؟ من الجهات والأطراف التى تتدخل الحكومة والمجلس لحماية المستهلك منهم ؟ نأمل الإجابة على الأسئلة
عدد الردود 0
بواسطة:
مصري وطني .ضد الكلاب الضالة اللصوص من التجار عدماء الضمير
معظم التعليقات بتدل علي خلل في فهم طبيعة عمل حماية المستهلك
المفروض علي حماية المستلك الطلب من وزارة العدل انشاء محكمة خاصة لسرعة الردع للتجار اللصوص و لحماية اموال المواطنين .. يجب علي جهاز حماية المستهلك حماية المستلكين من المدخنين من مافيا السجائر و وضع السعر علي علبة السجائر حتي لا يضيع حق الموطنين في كرش اللصوص من الموظفين و التجار المافيا .للعلم منذ تنفيذ قانون التجارة الحرة و كل التجار اصبحو لصوص في مصر من بعد 25 زفت علي دماغهم لان هؤلاء اللصوص الهمج اللصوص لا يعلمو يعني ايه ضمير و لا فن التجارة ولا يعني ايه تجارة حرة هم فاهمين تجارة حرة يعني اضع السعر اللي يعجبهم مادام الضريبة ثابتة وليس تصاعدية علي سعر المنتج اللي هو بيبيعه .. في مصر ازمة ضمير و اخلاق لان لا يوجد قانون رادع
عدد الردود 0
بواسطة:
ابن مصر
هل هذا القانون سينفذ ام للقراءة فقط
بنسمع عن قوانين كتيرة بس مش بنشوفها على ارض الواقع لدرجة ان اللواء عاطف يعقوب وجهازه مش بنشوفهم او بنسمع عنهم الا اذا كانت فى سلعة عليها جدل زى كروت الشحن غير كده مبنشوفش حد بيطلع علينا من هذا الجهاز الاسمى ويطمن الشعب انه شغال طب ليه تستنى تلقى الشكاوى اللى ف الغالب مبتوصلكش بسبب الفساد المنتشر فى الاجهزة الرقابية متهز طولك كده وتعمل كام كبسة على التجار فى كل المحافظات وتحسسنا ان فى حماية للمستهلك ياراجل دى التجار بتبيع بمزاجها واما تكلمها تقولك مش عاجبك السعر متشتريش روح اشتكينى اللى معاك اعملو لو فى جهاز حماية بجد مش هيقدر يقول كده