قال الدكتور محمد شاكر، وزير الكهرباء، تعليقا على شكاوى المواطنين من ارتفاع أسعار فواتير الكهرباء:" كل واحد يراجع استهلاكه واللى عنده أى شكوى يتظلم وإحنا نبعتله تفاصيل شكوته باستهلاكه، ومافيش حاجة اسمها ادفع وبعدين اتظلم لا ده كان زمان دلوقتى اتظلموا وهتعرفوا تفاصيل استهلاكم"، مضيفا: " أنا شخصيا استهلاكى فى الصيف بقى 3 أضعاف" .
وقال شاكر، خلال مؤتمر صحفى بمقر مجلس الوزراء عقب توقيع اتفاقية لإنشاء محطة رياح بالسويس، إن الوزارة تعمل على زيادة الاعتماد على العدادات مسبوقة الدفع لتحكم كل مواطن فى استهلاكه.
وأوضح وزير الكهرباء، أن المشكلة ترجع لقلة عدد المحصلين وقارئى العدادات، وهو ما دفع الوزارة للتعاقد مع إحدى الشركات التى ستعين من جانبها 9 آلاف موظف تابعين لهذه الشركة لقراءة العدادات ، متابعًا: "أى مصنع عايز طاقة كهربائية إحنا جاهزين بنسبة100%".
عدد الردود 0
بواسطة:
مشمش
كلام كدب..ونص المشكله يتحملها كشافين العدادات الذين يقراؤن العدادات كل شهرين ويدخلك شرايح اعلى
😎..رغم ان وزاره المهرباء بها عماله زايده..يستعينون الان بشركه خاصه لقراءه العدادات..وتكاليف ومصاريف الشركه هذه..سيتحملها المواطن
عدد الردود 0
بواسطة:
سلمى محجوب
اتقوا الله
لامتى يفضل الملتزم هو إللى حيدفع وتفضلوا غضين الطرف عن سارقة التيار حسبى الله ونعم الوكيل
عدد الردود 0
بواسطة:
د. غالى
الكمية والقيمة
صرح معالى الوزير أن فاتورته تضافت ثلاث مرات فهل يقصد كمية الإستهلاك أم قيمة الإستهلاك .. وأى تفاصيل يقصد ؟ يا معالى الوزير إن الشيطان يكمن فى التفاصيل .. الشكوى لله
عدد الردود 0
بواسطة:
مشمش
سرقه التيار الكهرباء من اكشاك الجاءلين عينى عينك فى ميدان الالف مسكن على بعد ٥٠٠ متر من قسم النزهه
😎
عدد الردود 0
بواسطة:
taher
لماذا تم وقف برنامج ادخال قراءة العداد عن طريق الانترنت
السبب في المشكله هو وقف برنامج ادخال قراءة العداد عن طريق الانترنت احنا رجعنا للقاريء البشري وسيبنا التكنولوجيا ...
عدد الردود 0
بواسطة:
hazem
اعمل الى عليك الاول
اول شىء توجه لشركة الكهرباء الخاصه بك واطلب منهم رقم التليفون اللارضى وفى كمان موبيل لو عاوز وفى صفحه عالنت لكل شركة توزيع كهرباء وانت فى بيتك او شغلك او سايق فى اى وقت فراغ اتصل وبلغ القراءه عشان المحصل مش مسؤل ياخد القراءه والكشافين خلاص انقرضو ولما تجيلك الفاتوره شوف القراءه مطابقه لبلاغك ولا ده غير اننا فعلا نحاول نرشد ومنسبش الاضاءه عمال على بطال وخلى بالك غير التكيف فى بلاوى بتسحب الكيتل غلاية الميه سخان الكهربا المكوه الخلاط الميكروييف الافران الكهربا كل دول بيسحبو واحنا فى الاخر نستغرب ليه القرايه عاليه كده
عدد الردود 0
بواسطة:
ادم
ياريت تنزل بنفسك وتكشف علي العدادات
التعليق فوق
عدد الردود 0
بواسطة:
مهندس / صلاح
ما معنى بند التسويات فى كل الفواتير ؟
وبقيمة مالية كبيرة تصل إلى ثلاثين فى المائة من قيمة الفاتورة !
عدد الردود 0
بواسطة:
sd]
الممرسة
ولا عرفين ندخل عداد مسبوق الدفع ولاقادرين ندفع ممرسة حرام ندفع 300ج ممرسه فى الشهر وسوف تحاسبوا امام الله ---مواطن مصرى بيحب بلده
عدد الردود 0
بواسطة:
عماد
الغاء الممارسه وبيع عداد مسبق الدفع فور طلبه علي ان يتم توفيره من شركات معتمده
يجب التصريح لجهات عديده ( عندها القدره ) لشراء عدادات مسبقه الدفع وبيعها لكل من يطلبها اولا لمده سنه واحده ثم اجباري لمده 6 شهور ثم توقيع عقوبه علي المخالف مع السماح بالتقسيط الغاء الممارسه وبيع عداد مسبق الدفع فور طلبه علي ان يتم توفيره من شركات معتمده ويقوم المنتفع بتركيبه ويكتب علي العداد اسم وعنوان التركيب وعمل مخالفه وقطع التيار عن المخالف اذا ثبت انه لم يطلب العداد المسبق الدفع وبعد ذلك احباري لكل من يملك عداد تقليدي وتسعير العداد وبيعه بقدره XX امبير علي اساس مساحه الوحده حسب الطلب