خالد صلاح

أبو ريدة: "الكونغو موقفهم كان غريب كنت هلطشلهم فى المباراة"

الخميس، 12 أكتوبر 2017 09:40 م
أبو ريدة: "الكونغو موقفهم كان غريب كنت هلطشلهم فى المباراة" منتخب مصر


كتب محمد مراد

كشف هانى أبو ريدة رئيس اتحاد الكرة، عن الموقف الغريب لمسئولي منتخب الكونغو المتواجدين فى ملعب استاد برج العرب خلال لقاء مصر والذى شهد فوز الفراعنة 2 /1، ليتأهل الفراعنة رسميًا لكأس العالم 2018 بروسيا.

أضاف أبو ريدة فى تصريحات إذاعية موقف مسئولو الكونغو كان غريبًا للغاية خاصة أنهم فى المركز الأخير برصيد نقطة ولا أمل لهم فى المنافسة على أى مركز أمام منتخب مصر فى المباراة، ولكن حالة أعضاء مسئولي الكونغو فى المقصورة كان غريبًا ويثير الشكوك وخاصة فرحتهم بعد إحراز هدف التعادل مع مصر قبل أن ينجح محمد صلاح فى إحراز هدف الفوز فى الدقيقة 94 .

أكد أبو ريدة: "كنت عاوز ألطشلهم" كانوا خلف مقعدى فى المقصورة وسامع حاديثهم طوال المباراة وفرحتهم كان مبالغًا فيها، ولكن الحمد لله ربنا كرمنا وحققنا الفوز وهو الأهم ولن نركز فى هذه الأمور".





التعليقات 0

عدد الردود 0

بواسطة:

نبوي - مصر

موقف غريب وتصرف اغرب .

موقفك غريب يا كابتن ، شئ طبيعي جدا ان يقوم مسئولي الفريق المنافس بتشجيع فريقهم وان تنتابهم الفرحة عند احرازهم هدف التعادل ، هذه هى المنافسة الشريفة ، واذا اردت الفوز عليك ببذل العرق والجهد والكفاح لتحصل عليه وليس بتكاسل الاخرين ، عموما الحمد لله ربنا سلم ومبروك لمصر.

عدد الردود 0

بواسطة:

دكتور محمد جيييم

إيه الكلام الفارغ والغير مسؤل ده ؟ ومن إمتى المسؤلين المصريين بيتكلموا بالطريقة دى ؟!

أقترح بدلاً من كلمات : كشف ، وأضاف ، وأكد ، أن نوجز كلامه فى كلمة واحدة : هلفط !!!

عدد الردود 0

بواسطة:

غطيني وصوتي

أسلوب حوار راقي

إزاى الناس الأفارقة السود دول يتجرأوا ويفرحوا لما فريقهم جاب جون ضد مصر إزاى دي مصر أم الدنيا ، أكيد إخوان أو مؤامرة قطرية

عدد الردود 0

بواسطة:

MOHAMED

الرشوة

ابحث عن الرشوة ياسيدى الفرق الافريقية معروفة بتلقى الرشاوى

عدد الردود 0

بواسطة:

مشمش

من انتخبك ريس ل الاتحاد المصرى لكره القدم...هو الموضوع فتونه والا ايه..

٥٥٥😎😎..يعنى ايه..تلاطشه..!!!..وانت لن تبلغ الجبال طولا

عدد الردود 0

بواسطة:

الكينج المصري

مش فاهم تقصد آيه حضرتك

يعني زي التعليقات السابقة كنت عاوزهم يعيطوا لما جابوا فينا جون ؟اولا طبيعي انهم يفرحوا طبعا . ثانيا كيف لمسؤول رفيع المستوي يخرج منه لفظ زي ده ؟ احنا داخلين علي كاس عالم وأسلوب البلطجه ده ماينفعش مع الدول المحترمه . انسي اُسلوب الفتونه والبلطجه ده وابتدوا تدربوا علي اُسلوب التعامل الراقي علشان ماتفضحوناش في روسيا .

عدد الردود 0

بواسطة:

os

عقليتك غير رياضيه

هل من حقك ان تحجر عليهم الفرحه لهدف او لفوز حتي ولولم يكن يفيدهم المفروض انك رجل رياضي ولكن عقليتك غير رياضيه

عدد الردود 0

بواسطة:

ahmed

لا كلامه صح

فعلا الموقف غريب احنا لو فرقتنا بتلعب وملهاش امل في الصعود ممكن اصلا منتفرجش عل الماتش ولو حتي اتفرجنا مش حتكون الفرحه مبالغ فيها لان نقطه من نقطتين مفرقتش كتير شوف من اللي ورا الموضوع ممكن اوغندا او غانا وممكن كمان قطر الفلوس تغير النفوس وتخلي اللاعيبه زعلانه لو اتغلبت حتي مع انها بره اللعبه

عدد الردود 0

بواسطة:

مصطفى

الدفاع كان كارثا

بعيدا عن التعليق على كلام رئيس الاتحاد لكن تابعوا منظر وتصرفات لاعبي الكونغو بعد هدف التعادل نظرات مديرهم الفنى لمساعده نظرة خبيثة لاتريح ابدا وانا لا احبذ ابدا تفكير المؤامرة وان كنت مش مرتاح لهم ومع ذلك اللوم كله يقع على المدير الفنى الذى لم يحرز فريقه سوى هدف واحد وخط الدفاع الكارثة الذى سمح للاعب ان يرفع الاوفر والاسوا هو المتخلف اللى اسمه المحمدى الذى سمح للمهاجم بالجرى من خلفه وهو سرحان وطبعا قلب الدفاع يتحملوا جزء من المسئولية

اضف تعليق

تم أضافة تعليقك سوف يظهر بعد المراجعة



مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق بروتوكول نشر التعليقات من اليوم السابع
الرجوع الى أعلى الصفحة