قالت السفيرة نبيلة مكرم وزيرة الدولة للهجرة وشئون المصريين بالخارج، إن لجنة الإعفاء الجمركى لسيارات المصريين بالخارج انتهت من عملها بوضع المقترحات والبنود التى انتهت إليها اللجنة، بشأن ضوابط إعفاء سيارات المصريين بالخارج من الجمارك، لافته إلى أنه تم إرسال ما توصلت إليه اللجنة لوزارة المالية، مؤكدة على أنه حال الموافقة عليها سيتم إرسالها لمجلس لوزراء ثم مجلس الدولة والبرلمان لتطبيقها.
وأشارت وزيرة الدولة للهجرة وشئون المصريين بالخارج، لـ"اليوم السابع"، إلى أن اللجنة وضعت بنودا خاصة بربط الإعفاء الجمركى لسيارات المصريين بالخارج بالتحويلات النقدية، من خلال القنوات الشرعية ممثلة فى البنوك الوطنية.
وأضافت وزيرة الدولة للهجرة، أن اللجنة حددت أيضا سيارة واحدة لأسرة كل مواطن بالخارج، فضلا عن تقسيم السيارات وفق شرائح معينة.
يذكر أن لجنة الإعفاء الجمركى لسيارات المصريين بالخارج، هى لجنة مشكلة من وزارة الدولة للهجرة لبحث مطالب المصريين بالخارج والخاصة بإعفاء السيارات من الجمارك، فيما عقدت تلك اللجنة اجتماعات متواصلة وأحالت مجموعة من المقترحات لوزارة المالية.
وتضم لجنة الإعفاء الجمركى ممثلى وزارات المالية والداخلية والبنك المركزى ومصلحة الجمارك، والتجارة والصناعة والضرائب.
عدد الردود 0
بواسطة:
سمير
مبرر وزير الماليه في الاستمرار في تحصيل الجمارك بقيمه الدولار بعد التعويم
لقد تضاعف قيمه الدولار بعد التعويم وتصر الحكومه ان تحصل الجمارك بسعر الدولار بعد التعويم مما نتج عنه غلاء كبير وخاصه ان كل شي يأتي من الخارج وفي النهايه يدفع الشعب ثمن هذا الارتفاع ثم تدعي الحكومه انها ضد الغلاء وهي بتحصيل الجمارك بسعر الدولار بعد التعويم هي شريك مع التجار في رفع الاسعار وفي نفس الوقت بتعطي الضوء الأخضر لمبررات ارتفاع الاسعار لانها رفعت قيمه الجمارك وبالتالي لن يتحملها التاجر بل يتحمله المستهلك وهو الشعب ويتحدث الوزراء عن حمايه محدود الدخل وكان باقي الشعب من الاغنياء وانه يحصل الجمارك بالسعر الحالي للدولار من اجل محدود الدخل كلمه تستخدمها الحكومه وكل الشعب يعلم ان معظمهم من محدود الدخل الذي يتحمل تكلفه الجمارك التي يتم تحصيلها من الحكومه التي من المفترض انها تحمي الشعب من الغلاء هي أصبحت بالجمارك تساعد علي الغلاء ومستفيدا منه قبل ان يستفيد منه محدود الدخل الذي في الواقع العملي هو الذي يدفع الجمارك للحكومه وبعد ذالك الحكومه تحدثه عن الدعم وتكفله الدعم شي مضحك ويبكي في نفس الوقت وعجبي علي الفكر الاقتصادي الذي تعمل به الحكومه ويصدق عليه ألهاتيفه
عدد الردود 0
بواسطة:
Amr
المصريين بالخارج منتظرين تنفيذ الإعفاء الجمركي
بكل بساطه للناس المغيبة وإلي مش مصلحتها البلد ... الإعفاء الجمركي هايدخل مليارات الدولارات للبلد أكتر من قناة السويس ... والدليل ... على حسب تقسيمات الشرائح للتحويل الدولاري .. أعلى شريحة 20 ألف دولار واقل شريحة 5 ألاف دولار لو خدنا المتوسط يبقى 10 ألاف دولار وعدد المصريين في الخارج فوق ال 8 مليون مغترب لو أخدنا أقل عدد وهو 2 مليون مغترب = 2 مليون في 10 ألف دولار = 20 مليار دولار ... المبلغ ده كافي ينعش السوق ويسدد القروض بالإضافة لفلوس التراخيص إلي هاتستفيد بيها الداخلية والورش إلي هاتفتح وقطع الغيار .. بجد دخل إقتصادي كبير للبلد .. لكن في حرامية وأحقاد وناس عقلها ومخها مريض ضد ده مع إن المغتربين ناس لا بياخدوا معاش ولا تامين ولا مزاحمين البلد في أكلها ولا شربها ولا واخدين من الحكومة أي حاجه وموفرين ليهم وظائف وأكل وشرب .. دولار أحسن منا إقتصاديا زي تونس والجزائر والمغرب حتى السودان إلي أقل منا إقتصاديا عاملين الإعفاء ده ... المصريين في الخارج مش مطالبين يحولوا مدخراتهم لمصر لكن بجد ده عنوان شرف لكل مغترب إن بجد الدولة تديله حق من حقوقه وهو الإعفاء الجمركي ... ردي ده لكل مريض ضد الإعفاء الجمركي ده .. وشكرا
عدد الردود 0
بواسطة:
سيد مشمشة
الى رقم 2
كلامك ممتاز وحقيقي ويستحق ان يلتفت المسئولين اليه .. ويارب الاجراءات اللي بيقولو انها تتم الآن من عرض على وزارة المالية ثم على مجلس الوزراء ثم على .. ثم على .. ياريت تنتهي خلال الخمسين سنة اللي جاية .. يدينا ويديكم العمر إن شاء الله......
عدد الردود 0
بواسطة:
مشمش
مادام فيها لجنه...اصبروا شويه لحين تشكيل لجان منبثقه عن اللجان الفرعيه
..اى حاجه عاوزها تبقى فنكوش ..شكل لها لجنه..وهى وسيله هروب المسئول الكبير او تنصله من وعوده
عدد الردود 0
بواسطة:
احمد
التعليم و الثقافه
مع احترامى الشديد مربط الفرس مش ان الدوله تركز على الضرائب كمصدر رئيسى لدخل الحكومه اهم حاجه هى التركيز على تحويل كل فرد من الشعب ان يكون منتج و مصدر للدخل وليس عبىء على الدوله و دة اساس المشكله فى ادارة مصر و لسنوات طويله ودة مش هاييجى الا بالتخطيط لاحتياجات مصر من الكوادر التعليميه المختلفه مع الارتقاء الحقيقى بمستوى المتخرج سواء من جامعه او معهد فنى المهم ان الواحد يتخرج يكون صح و جاهز وفاهم دة ممكن يكون مصدر لوحدة هائل لدخل البلد سواء اذا اشتغل الشخص داخل او خارج الدوله مافيش مستثمر هاييجى يتعامل مع ناس جهله و مبلطجه و مأنتخه فالتعليم فى غايه الاهميه و بعدين فين هيه التشريعات اللى هاتجذب المستثمرين علشان يثقوا بالاستقرار الاقتصادى انا نفسى مصر تكون احسن بلد فى الدنيا ودة مش هايحصل غير بالعمل الجاد و السريع من الكل ...
عدد الردود 0
بواسطة:
احمد
عالم التوهان
انا نفسى اشوف ان الحكومه لما تقول حاجه تنفذها بلاش اسلوب الوعود و تنييم الناس صدقوا ان الناس زهقت و بقالها سنيين بتسمع انا مش فاهم ازاى الناس تتعلم انها تكون ملتزمه بالاسلوب دة ؟
عدد الردود 0
بواسطة:
سيف سلطان
هل يا ترى الوزيرة هتكون موجودة لغاية ما يعتمدوا القرار بالاعفاء
أشك ان وزيرة الهجرة هتكون موجودة في التعديل الوزاري الجديد يبقى كده الموضوع مات واندفن علشان الوزير الجديد اللي هيجي هيقول وانا مالي خلي الوزيرة اللي فاتت هى اللي تجيبلكم الاعفاء ويحط نفسه في مسئؤلية ليه عرفتوا بقى ليه الموضوع هيموت ويندفن ويغور في ستين داهية هي دي مصر حبيبة قلبي ربنا يستر على بلدي الغالية طول ما فيها وزراء بيبدأو من جديد ولا يبص على الاجراءات القديمة
عدد الردود 0
بواسطة:
Khaled Ebrahim
الكل مستفيد
بيكون مصدر دخل للعملة الصعبه لاستيراد السلع والمواد الداخلة فى صناعات الادويه وجميع الصناعات الاخرى وتسديد القروض التى اخذتها الدولة سابقا.....وربنا يسترها على الوطن العربي كله. ...