خالد صلاح

ناهد السباعى عن هبة رجل الغراب: "هوجمت بشدة بسبب المسلسل"

الخميس، 12 يناير 2017 12:00 م
ناهد السباعى عن هبة رجل الغراب: "هوجمت بشدة بسبب المسلسل" ناهد السباعى


كتبت شرويت ماهر

أكدت الفنانة ناهد السباعى أنها تعرضت للهجوم الشديد بسبب قرارها بأداء دور "هبة" بمسلسل "هبة رجل الغراب" بديلة عن الفنانة إيمى سمير غانم.

 

ونشرت ناهد عبر حسابها بموقع تبادل الصور إنستجرام صورة لبعض تعليقات جمهورها الذين أبدوا إعجابهم بدورها فى المسلسل، وعلقت عليها: "ربنا وحده يعلم قد إيه أنا تعبت قوى لحد ما شوفت الكومنتات ديه، مفيش حد فى الدنيا يستحمل أنه حتى وهو بيصور يتشتم فى كل حتة فى الشارع قدام كل الكرو".

 

وتابعت: "اكتئاب ورعب وقلق وقلة نوم وقلة أكل، حتى أستاذ عمرو كان شايف أنه فاشل، اللى يقولى حرام عليكى تعمل فى نفسك كده، واللى يقولى أنت ممثلة جامدة ضيعتى كل اللى عملتيه، واللى شايف أنى هفشل واللى شايف أن النجاح الرهيب لهبة عمره ما هيرجع تانى، اللى يقولى انت ف مكانة جامدة فى السينما دمرتى مستقبلك بهبة".

 

وأنهت ناهد السباعى كلامها قائلة: "شكرا لكل الناس إلى وقفت جنبى شكرا لكل فريق عمل هبة رجل الغراب من أول حد لأصغر حد استحمل معايا كتير ووقف جنبى وشجعنى وآمن فيا شكرا برضه لكل الناس إلى خلونى عندى تحدى كبير إنى أثبتلهم عكس كلامهم شكرا لأهلى وأصحابى وعلى رأسهم أمى إلى شافت معايا أيام سوده شكرا حبيبتى لبعد نظرك وثقتك فيا".

 

الجزء الثالث والرابع من مسلسل "هبة رجل الغراب" من بطولة ناهد السباعى، أحمد فريد، مى فخرى، هبة عبد العزيز، نورهان، محمد سليمان، سامية عاطف، حنان سليمان، نرمين زعزع، حمادة بركات، محمد طلعت، ومن إخراج رامى رزق الله، حيث تمت الاستعانة بفريق عمل جديد للمسلسل بعد اعتذار أبطال ومخرج الجزأين الأول والثانى.

ناهد السباعى




التعليقات 10

عدد الردود 0

بواسطة:

مريم الجزائر

أداء رائع

تفرجت على لمسلسل و كان أداء ناهد فيه رائع و انا شخصيا بستنى بقية المسلسل ودورها في الوصايا السبع كان نفس الشئ روعة

عدد الردود 0

بواسطة:

هبه الله عليوه

01090729811

الجزء الثالث فاشل فاشل فاشل انت بتضحكي علينا ولا علي نفسك انت انسانه غريبه فعلا والله

عدد الردود 0

بواسطة:

هبه الله عليوه

01090729811

مع احترامي لناهد بس الجزء الثالث فاشل فاشل فاشل انت بتقولي انه نجح ازي انت بتضحكي علينا ولا بتضحكي علي نفسك شوفي حتي آراء النقاد في المسلسل في الجزءين الاول والثاني وتعلقيهم علي أداءك في الجزء الثالث حتعرفي الفرق ومنهم الاستاذ طارق الشناوي. الفنان الصح يعرف أخطاءه ومايكبرش ويعترف بفشله مش يعمي الناس كلها ويقول انا نجحت هو بالعافيه حضرتك حتي حولتي تقلدي الأداء معرفتيش مش كل دور ينفع يليق علي اي حد حضرتك متزعليش مني بس انت ممثله فعلا شاطره وحبتلك كتير ادوار بس الدور ده بجد كنتي وحشه جدا

عدد الردود 0

بواسطة:

بنت الدويقة

ممثلة بدرجة قديرة

.....

عدد الردود 0

بواسطة:

ا

هبه رجل الغراب

ايمي افضل منك10000مره بوظتي المسلسل متخليش حد يضحك عليكي ياناهد

عدد الردود 0

بواسطة:

bitaa

هبة هي ايمي وناهد جيدة في ادوار أخرى

مش لايق عليكى يا نهودة ... انت ممثلة جيدة جدا وممكن تكونيstar في السينما كمان بس هبة عش الغراب سئ للغاية ومازال الجمهور متعلق بايمي سمير....بلاش

عدد الردود 0

بواسطة:

عايدة

بصراحة لم تفنعيني بالدور زي ايمي

بدون زعل كان شكلك وحش جدا و مش عارفة تتكلمي بالتركيبة الاسنان

عدد الردود 0

بواسطة:

ياسر

ممثلة إزاي!!

إزاي مفروضة علينا كممثلة؟ فاشلة جدا. آه صحيح حتى التمثيل بقى بالتوريث.

عدد الردود 0

بواسطة:

Kemoo

فاشل وكل الممثلين

ماكانش فى اى داعى لعمل اجزاء تانيه الممثلين اللى اعتزروا عن استكمال العمل من غيرهم استحالة المسلسل ينجح وناهد فاشلة والدور وحش جداً عليها

عدد الردود 0

بواسطة:

محمدفرحات

ليه وافقتى حرقتى نفسك وانتى عارفة ايمى هى هبة رجل الغراب

اتمنى انك ماتعمليش حاجة مش لايقة عليكى خالص ولم يشدنى هذا المسلسل من بعدايمى سمير غانم وده حقيقى انتى ممكن تبقى نجمة فى حاجات تانية انما هبة رجل الغراب لم اشاهد ولاحلقة لناهد السباعى وده راى ناس كتير جدا المسلسل فشل

اضف تعليق

تم أضافة تعليقك سوف يظهر بعد المراجعة



مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق بروتوكول نشر التعليقات من اليوم السابع
الرجوع الى أعلى الصفحة