أكد الدكتور جلال سعيد، وزير النقل، أنه سيتم الانتهاء من الطريق الدائرى الإقليمى فى أول شهر أكتوبر المقبل، لافتاً إلى أن الطريق طوله 440 كيلومترا، ويبدأ من طريق الفيوم إلى القاهرة السويس الصحراوى ثم الزراعى ببلبيس وصولا إلى الإسكندرية الصحراوى. وتابع أن مدينة الإسكندرية بها كمية هائلة من الآثار، ومن هنا يصعب إنشاء شبكة مترو، قائلاً: "مينفعش نعمل مترو فى الإسكندرية ولكن سيتم تصميم وسائل نقل سريعة".
وقال الوزير فى حواره ببرنامج "فى دائرة الضوء" المذاع عبر فضائية "النهار"، إن شبكة الطرق الجديدة مهمة لمشروعات التنمية فى مختلف المحافظات.
عدد الردود 0
بواسطة:
سالم المراغي
الحي ابقى من الميت بلا اثار بلا بطيخ
عذر أقبح من ذنب .. الحي أبقى من الميت .. يعني هنعيش أموات فوق الأرض عشان الجثث اللي تحت الأرض ؟ منطق عجيب .. يا سيدي بناقص .. خلاص يعني ؟ الخريطة كلها أثار ؟ نكرر الحي أبقى من الميت
عدد الردود 0
بواسطة:
عماد
قطار ابو قير..
طيب علي الاقل كهرب خط ابو قير.
عدد الردود 0
بواسطة:
مشمش
خط قطار ابو قير ليس فى طريقه اثار(من محطه قطار الاسكندريه مرورا بسيدى جابر والمنتزه وحتى ابو قير
**
عدد الردود 0
بواسطة:
فتحى انس
مترو اسكندرية
سيادة الوزير . تقدر تعمل مترو معلق زى مترو دبى مش شرط يكون عن طريق انفاق .كل حاجه ممكنه اذا عندنا ارادة نحققها
عدد الردود 0
بواسطة:
Aboomar
اثار ??
طيب والمترو اللى هيمشى من شارع الهرم وهيمر فى حرم المنطقة الاثرية -- لو على الاثار مصر كلها اثار
عدد الردود 0
بواسطة:
Fady Saad Nicola
ده تصريح يصدر عن محافظ القاهره؟
ده على اساس ان نسبه الضرائب إلى بيدفعها سكان القاهره الكبرى بكل مدنها الصناعيه تتناسب مع ما يتم دفعه من المحافظات الأخرى. و ان كل المشروعات إلى بتتم فى المحافظات الأخرى دى مش من فلوس ضرائب سكان القاهره؟؟؟؟
عدد الردود 0
بواسطة:
مصرى....
غطينى و صوتى ياما
بالذمة يا راجل طيب أحلف كدة .. يعنى روما مافيهاش آثار و وزير ها عمل زيك .... دة أنت مافيش زيك جهبز بجد ؟؟!!ارحمونا بجد .. سيادة الرئيس احترس مصر ىترجع للخلف بفضل وزارة شريف رجاء انقاذ الموقف قبل الغرق فى الوحل...اين حملة تمرد ضد وزارة شريف ؟؟؟؟
عدد الردود 0
بواسطة:
حسام
لا طبعا
والتجربه عند حفر مكتبه الاسكندريه وجد بعض الاثار وتم رفعها ووضعها داخل المكتبه وعلى الاقل عند عمل المترو سوف نكتشف بعض الاثار المدفونه وللعلم اغلب التربه رمليه وسهل الحفر دون تكسير للتماثيل او اى اثار تكتشف بعكس التربه الطينيه او الجيريه التى تكون الاثار ملتصقه بها
عدد الردود 0
بواسطة:
مريم
حلول خارج الصندوق
هو فيه امل نشوف وجوه جديده بعقول مبتكرة متجددة ولا اتكتب علينا وزير من نوع ما ينفعش و ما نقدرش
عدد الردود 0
بواسطة:
عمرو
تصريح ينم عن العقلية التي تتكلم
عقلية الموظفين التي ترأس الوزارات عقلية فوت علينا بكرة يا سيد عقلية الابقاء على الوضع بدون ايتها تطوير ارجوك يا سيادة الوزير استقيل فانت وزير بعقلية موظف درجة تالتة لا يريد ان يطور من اي شيء