الجمعة، 26 مايو 2017 07:38 ص
خالد صلاح

لمواجهة ظاهرة الزواج العرفى..

إلهامى عجينة يطالب بكشف طبى لإثبات عذرية البنات كشرط للقبول بالجامعات

الخميس، 29 سبتمبر 2016 03:47 م
إلهامى عجينة يطالب بكشف طبى لإثبات عذرية البنات كشرط للقبول بالجامعات إلهامى عجينة عضو مجلس النواب

كتب أمين صالح

طالب إلهامى عجينة عضو مجلس النواب، بإطلاق حملة جديدة لتوقيع الكشف الطبى على الطالبات داخل الجامعات بشكل دورى قائلا: "أى بنت تدخل الجامعة لازم نوقع عليها الكشف الطبى لإثبات أنها "آنسة"، وكذلك ينبغى أن تقدم كل بنت مستندا رسميا عند تقدمها للجامعة بأنها آنسة، وذلك من أجل القضاء على ظاهرة انتشار الزواج العرفى فى مصر".
 
 
وقال عجينة فى تصريح لــ"اليوم السابع"، أنه يجب أن يصدر وزير التعليم العالى قرارا بتوقيع الكشف الطبى على الطالبات على أن يتم توقيعه كل عام كشرط للحصول على كارنيه الجامعة، وأى طالبة يثبت أنها تزوجت عرفيا أو ليست آنسة يتم إبلاغ أهلها على الفور متابعا: "مش لازم أى حد يزعل من القرار ده.. ولو أنت زعلان يبقى معناه إنك خايف إن بنتك تكون متجوزة عرفى من وراك".
 
 
ولفت عجينة إلى أن هذه المبادرة سيكون من شأنها القضاء على ظاهرة انتشار الزواج العرفى فى الجامعات، مطالبا البرلمان والإعلام ورؤساء الجامعات بتبنى هذه الحملة.
 
 
كما اقترح عجينة أيضا مبادرة أخرى لتوقيع كشف المخدرات على الطلاب والطالبات فى الجامعات المصرية من أجل وقف ظاهرة انتشار الإدمان بين طلاب الجامعات المصرية، وتابع: "مبادرتى للقضاء على الزواج العرفى وتوقيع الكشوف الطبية على الطالبات، وكذلك كشف المخدرات يجب أن تشمل الجامعات الخاصة قبل الحكومية فى مصر".                                   




التعليقات 0

عدد الردود 0

بواسطة:

مدام نشوى على

عجينة بيعجن

السيد عجينة يريد انتهاك شرف وحرية البنات والدخول فى تفاصيل حياتهن الشخصية .

عدد الردود 0

بواسطة:

احمد

و الطلبة ما نكشف عليهم بالمرة يمكن شواذ

هو الراجل ده معتوة ولا مجنون ولا بيستعبط

عدد الردود 0

بواسطة:

magdimaglight@gmail.com

مهزلة

نرجوا ياسيادة النائب احترام شعور بنات الناس

عدد الردود 0

بواسطة:

mohamed rabea

لا تعليق

اني لحزين على مدى تدني مستوى نائب مجلس الشعب الى هذا المستوى

عدد الردود 0

بواسطة:

مصرى

شكلك أتجننت رسمى

نائب عن أيه ده ؟ فين لجنة القيم ؟ ولا هو هرتله وخلاص

عدد الردود 0

بواسطة:

حسام

وانت لازم يكشفوا عليك نفسيا لانك شكلك اتعرضت للتحرش فى صغرك

وهو ايه دخل تحصيل التعليم فى انها تكون انسه او اى حاجه تانيه يا قذر انت !!! بقى ده نائب بيتكلم بالنيابة عن الشعب !!! انهو دايرة انتخبت الزبالة ده ؟؟ ده لازم يتشال زى عكاشة وابن مرتضى عشان المجلس ينضف من الجهله والفاسدين واللى بيحبوا الفرقعات الاعلامية.........قال يكشفوا عليها عشان نتأكد انها آنسة ومايكونش عندها فرصة تتجوز عرفى ....طب ماهى ممكن تكون ملاك بس بتحب واتجوزت هى وحبيبها لغاية ماظروفهم تتحسن افضل من الحرام وده طبعا للناس اللى بجد مش هايسيبوا بعض بس اتجوزوا عشان مايبقاش زنا.........انتوا هاتمنعوا حتى الانسان يدخل الحمام الا بتصريح........وده مش دفاع عن الجواز العرفى بس ده دفاع عن المرأة اللى سلبناها احنا يارجاله كل شىء من اول كرامتها لغاية شرفها واختصرنا شرفها فى غشاء البكارة مع ان عجينه ده بيمارس العهر والانحطاط والفساد بس بشكل قانونى بحجة الدفاع عن الحق وهو يريد باطل بالظهور وتسليط الضوء عليه......انا مش هافضل اتكلم ده كله عشان واحد منحط زيك.لازم نعمل حملة باسقاط عضوية عجينة من مجلس الشعب يا جماعه ونكون احنا صوت الضمير وننقل اعتذارنا للمرأة اللى هى امنا واختنا وزوجتنا وحبيبتنا ومانسكتش على الكلام ده وياريت تعملوا هاشتاج ( كفاية عجينة )

عدد الردود 0

بواسطة:

أبو القاسم

الكشف بالكشف والبادى اظلم

وبعد رفع الحصانة عن النائب عجينة، يجب الكشف عليه للتأكد من خلوه من مرض البواسير لأن مجلس النواب يجب ان يتأسس على قاعدة متينة.

عدد الردود 0

بواسطة:

مصريه

هو أهبل ولا شكله كده

هما الناس كلهم مالهم ومال الحياه الشخصيه لأى حد . ايه التخلف و السفاله دى

عدد الردود 0

بواسطة:

اجمد حسن

افكار متخلفه من نائب متخلف

هل تصدق ان هذه الأفكار المتخلفه تصدر عن نائب بمجلس الشعب ......... لك الله يامصر

عدد الردود 0

بواسطة:

معتز

مش ممكن

والله العظيم الراجل ده مريض نفسيا....هو حاطط البنات والستات في دماغه ليه مرة يتكلم علي لبس نائبات مجلس النواب والنهاردة عن عذرية البنات.....إيه اللي بيحصل ده هو الراجل ده محدش عارف يحاسبه !!!!

اضف تعليق

تم أضافة تعليقك سوف يظهر بعد المراجعة



مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق بروتوكول نشر التعليقات من اليوم السابع
الرجوع الى أعلى الصفحة