كشف سعد جمال البالغ من عمر 17 عاماً وأحد الناجين من مركب رشيد الغارقة، أنه حاول الهجرة بطريقة غير شرعية إلى إيطاليا 6 مرات، ولكنه فشل، لافتاً إلى أنه حاول الهرب منذ أن كان عمره 13 عاماً، قائلاً: "أنا هقعد فى البلد أعمل إيه!".
وقال "جمال" فى مداخلة هاتفية مع الدكتور معتز بالله عبد الفتاح، ببرنامج "90 دقيقة" المذاع عبر فضائية "المحور"، إنه كان داخل ثلاجة مركب رشيد الغارقة واستطاع النجاة بقدرة الله، مضيفا: "والدى لم يكن على علم بمحاولاتى الفاشلة.. والله ناوى أهرب تانى".
وتابع: "والدى مريض وأنا الكبير ولدى 3 شقيقات أصغر منى.. هسافر وأروح أشتغل وأبعت فلوس وأعالج أبويا وهرجع عمله صعبة لمصر"، مشيراً إلى أنه يوجد أكثر من 300 سمسار فى الهجرة غير الشرعية.
عدد الردود 0
بواسطة:
محمد
حاول الهرب منذ ان كام عمرى 13 عاما !!!!
يعنى انت يا حبيبى حاولت الهرب لما كان عندك 13 سنة !!! و حجتك انك بتقول ( انا هقعد هنا اعمل ايه ) .... ياااا حراام فعلا ... هو انت اسـاسا حــــــــاولت تعمل ايه و معرفتش هو انت يا حبيبى لحقت تحـــاول تعمل حاجة لنفسك الاول اصلا .... دا انت يا حبيبى لسة مخلصتش تعليمك اساسا !!!! فاكل نفسك و انت عندك 13 سنة ... ولا بتعرف تقرأ او تكتب او تكلم لغة فاكر نفسك هتروح ايطاليا تعمل اية !!! اخرك هتشتغل مســـاح جزم و خدام تحت جزمة الخواجة .... انا كنت متعاطف مع أمثـــالك فى الاول ... لكن بعد كمية الهبل دة و اللى يقول انا هحاول اسافر تانى حتى لو أموت .... يبقة فــــــــــى ستيــــن داهية منك ليه .... انا ابكى و أحزن ليه على واحد اساس مش خايف على حياته .... مع السلامة يا حبيبى ... و متنساش تمسح جزمة الخواجة كويس
عدد الردود 0
بواسطة:
أحمد علي
طيب نقوله إيه؟! واحد عايز يموت ؟
واضح أنه يوجد ثقافة عميقة داخل الوجدان المصري في حب العمل خارج مصر .. لا أدري هل هو حب المغامرة أو حب التعامل مع ناس تانية وفي أرض تانية؟! يمكن هي دي الأسباب لعشق البعض للسفر للخارج بالرغم من وجود فرصة عمل لنفس تخصصه.
عدد الردود 0
بواسطة:
مصرى
مع الف سلامة
المركب إللى تودى وابقى أفتكرنا بشوية دولارات
عدد الردود 0
بواسطة:
Elerian
فاشل
انت بتفشل علشان انت فى الأساس فاشل ذيى انت بنفسك ماقلت وعلشان كدا وجودك وعدم وجودك واحد والبلد مش ناقصة فشلة ذيك وعموما لو الخبر دا حقيقى فالسؤال هنا لو دا حقيقى واسرتك ذيى مابتقول جبت فلوس السفر منين ياريت لو انت شخصية حقيقية تجاوب
عدد الردود 0
بواسطة:
منين نجيب الصبر
بعد كل دة واللى كتبناة ووضحناة عن المافيا التى تنتظرك انت وغيرك عاوز تهرب مكانك بالسجن
نعم انت مكانك بالاحداث او السجن او مستشفى الامراض النفسية..وكذلك كل من يفكر مثلك..طب نقول تانى ودى اخر مرة..اطلق هذة التحذيرات ..يا حبيبى السماسرة بتعاملون مع مافيا دولية..والاموال المحصلة من مجنون وغبى زىك لا تذهب كلها فى جيوبة وبس لا يا غبى اصحى فوق انت واهلك..انهم يحصلون على مثلها من المافيا التى تدفع لهم عند وصول الضحية لاى مكان فى اوروبا ويتم تسليم هذة الاموال بعدة طرق منها عن طريق بضاعة ترسل قانونى للسمسار او من يعمل معة بقيمة وعدد كل الضحايا..او يتسلمها عن طريق طرف ثالث وكاش حتى لا تلاحظ مباحث الاموال العامة والمخابرات والجهات الامنية اذا ما تم تحوليها بنكيا حتو ولو بمبالغ صغيرة وعلى فترات..وهناك طرق اخرى ولكن ليس هذا مجالا لشرحها..يعنى انت واهلك بتاخدوا على افاكم ثلاثة مرات..الاثنين السابق شرحها والثالثة عندما تعمل هنا 18ساعة وبرع الاجر لان الباقى يذهب للمافيا علشان تسدد للسمسار وتعيش هى على افاك..خد عندك الكبيرة بقى..المافيات هنا تصتاد الافراد الضعفاء نفسيا وماديا وعنويا زيك. ..وتشتغل علية..وبعد ذلك تستخدمة كيفما ترغب وحسب تخصص كل مافيا تهريب ارهاب مخدرات بورنو خيانة اوطان..وفى النهاية ثمنك اما الترحيل او حفلات التعذيب او طلقة معفنةبتلات ابيض..ها نقول كمان يا اغبياء يا مجانين اوربا ليست جنة اوروبا كانت جنة حتى عام 1990وبعد هذا التاريخ اصبحت مقبرة الهاربين ..كفاية عليك كدة النهاردة ..وذهب وجرب بنفسك..يا اغبى اغبياء الناس لو جمعت عشرين فرد ومن كل واحد اخذتم منة 50000خمسين الف ملطوش يبقى معاكم مليون تستطيعون عمل مشروع يدير عليكم لو صبرتم علية شوية دخلا محترم وانتم بين اهليكم وفى احضانهم..عيال اية البايظة دى يا اخوانا..على الجهات المختصة اتخاذ اجراءات رادعة ضد هؤلاء المعتوهين الحالمين بوهم اوروبا..اجراءات رادعة حفاظا على انفسهم والوطن ايضا..روح يا شيخ الهى يوقعك انت وامثالك المعتوهين فى سمسار يركبكم مركب زى مصفة الرز علشان ما تلحقوش تمشوا تلاتة متر وهو يطلع لكم لسانة ويبعزق فلوسكم على الهلس ومالكوش عندة دية
عدد الردود 0
بواسطة:
khaled soudi
في ستين
اهرب يابني في ستين . ولكن لتعلم لا تلقوا بأيديكم في التهلكه . ممكن بفلوس الهرب للموت تعمل بيها حاجه في مصر واديك شايف التكاتك عملا احلي شغل واحلي فلوس .
عدد الردود 0
بواسطة:
محمود
عنده 17 سنة و حاول يهرب 6 مرات
عنده 17 سنة و حاول يهرب 6 مرات في 4 سنين من أيام ما كان عنده 13 سنة ،، يعني لا معاه شهادة و لا في إيده صنعة ،، لو كان في الأربع سنين دول إتعلم له شغلانة كان زمانه أسطى خسارة فيك الهوا اللي بتتنفسه في مصر