أكد جورج لواندمينا، المدير الفنى لنادى زيسكو الزامبى، أنه رغم فوز الزمالك على الوداد المغربى بنتيجة 4/0 فى ذهاب الدور قبل النهائى ببطولة دورى أبطال إفريقيا، إلا أنه لم يحسم التأهل للدور النهائى بشكل رسمى، ووارد أن تحدث نتيجة مغايرة، وينجح الوداد فى التعويض بلقاء العودة فى المغرب، لافتاً إلى أن فرق شمال إفريقيا لا يمكن التكهن بأدائها أو النتائج، وان كل شيء وارد بكرة القدم.
أوضح المدير الفنى لزيسكو، خلال تصريحاته لبرنامج "كوره كل يوم"، أنه لا يهتم بالفريق الذى سيتأهل لنهائى البطولة، سواء الوداد المغربى أو الزمالك، وأن تركيزه منصب فقط على فريقه، وحصد بطاقة التأهل، مؤكداً أن مباراة العودة أمام صن داونز ستكون صعبة جداً، لتلقيه هدف فى لقاء الذهاب على أرضه وفوزه بنتيجة 2/1 فقط، مشيراً إلى أن خير وسلية للدفاع هى الهجوم، وسيتبع خطة هجومية بحتة من بداية مباراة العودة.
عدد الردود 0
بواسطة:
حسن
مدرب نص كم
التعليق جاء من مدرب نص كم و اعتقد ان الاهلى لما لعب معاه قالوا ان سوف بفوزن بنتيجة كبيرة و فى الاخر طلع كلام اونطة
عدد الردود 0
بواسطة:
عوض عباس
ركز في فريقك
ياكوتش ركز في فريقك واترك مباراة الزمالك والوداد . طبعا انت يهمك تلاعب الوداد لان مارد الزمالك طلع من القمم وبعون الله وتوفيقه الكاس لنا يارب اكرمنا
عدد الردود 0
بواسطة:
جو
وانت دخلك ايه
واضح اوى انك قلقان من الزمالك لان بعون ربنا محدش هيقدر عليهم مع مؤمن لانه عنده عقل... فكر.. اسلوب....طريقه...اجبار المنافس على الحيره فى طريقه لعب الزمالك حتى يمكن بعد الجيم ما يبدا بنص ساعه وهى دى اللى بتسبب ربكه للمنافس فى الوقت اللى الزمالك بيكون دخل المباراه وباريحيه كبيره وبعد كل ده يطلعوا حجج للخساره وتقليل من فوز الزمالك..مره انتوا بتدافعوا طول الوقت...انتوا مجبتوش اجوان غير من التلت او الاربع فرص اللى جتلكم...لا الحكم كان وحش...انتوا مش هتستمروا كتير الخ... ويتناسون ان الفريق بيلعب بدون اجنحه وبدون وفره عدديه ولاعبين مهمين مصابين وفرقه ونص بره لسه ملعبتش علشان غير مقيدين افريقيا لكننا للاسف تاعبين ناس كتير اوى وشاغلينهم زياده عن اللزوم...يعنى كنت اتمنى يون كل واحد فى حاله وحال فرقته بدل التعليق عبى الزمالك عمال على بطال...هو ده التفسير الوحيد من وجهه نظرى لكلام مدرب زامبيا عبقرى زمانه عن الزمالك... وطبعا دى امنيات ناس كتير اوى ومنهم حبايبنا وما اكثرهم انه يخسر لكن بعون ربنا وتوفيقه هيفرحونا وهيفرحوا كل جمهورهم فى كل مكان ان شاء الله.
عدد الردود 0
بواسطة:
سمسم
هو الباور وصل لزامبيا امتى
ياعم لواندمينا ضحكتنى...ده بدل ما تقول زيسكو قادر على الفوز والمقاتله فى جنوب افريقيا علشان اعوض الجون اللى دخل فيا ونكد عليا فى الاخر ..سايب فرقتك وبتتكلم عن تعويض الوداد للاربعه...هو انت بتشجع الوداد من زمان ولا اخدت الجنسيه قريب ولا ده تاثير جون صن داونز عليك فى نهايه الماتش...ربنا يشفيكيا جوجو
عدد الردود 0
بواسطة:
مدحت
عنده امل
لازم المدرب ده عاوز يدرب الوداد
عدد الردود 0
بواسطة:
طارق شعيب
كرة القدم و النتائج الخادعه
الراجل قال الحقيقة .. الزمالك فاز بالاربعه و هي نتيجه ثقيلة و لكنها نتيجة خادعه لا تعبر عن سير اللقاء تماما ( عامل التوفيق مهم جدا و تسجيل الوداد لفرصة واحدة في الشوط الاول كان سيقلب المباراة تماما ) و الاخطاء الفنية الفادحه للمدير الفني للوداد ( ده كلام كل المحللين و كلام هاني زاده في المغرب بان مدرب الوداد سبب الهزيمة الثقيلة ) و لعب الوداد مباراة مفتوحه امام منافس منقوص عدديا متقوقع في الخلف غير قادر على صناعة هجمة منظمة و لا يملك الا سلاح المرتدات و سرعه في التحول من الدفاع الى الهجوم خطأ استحق عليه العقاب و الهزيمة الثقيلة .. هذه الطريقة معروفه لاي مدرب متابع للزمالك و اسلوب غلق المساحات و اللعب على المرتدات باقل عدد من اللمسات و اي مدرب سيثبت ثنائي ارتكاز وسط مدافع تقليدين صريحين سيتفوق على الزمالك حتما في ظل النقص العددي في القائمة و عدم توافر ظهيرين جنب .. و مبروك للزمالك التأهل للنهائي