تصدر العديد من الهاشتاجات لجماهير النادى الأهلى ضمن قائمة الأكثر تداولاً على موقع التغريدات المصغرة تويتر، وذلك بعد تغلبه على النادى الإسماعيلى بهدف مقابل لا شىء، وعلى الرغم من الفوز إلا أنه لا يخلو من توجيه بعض الانتقادات.
تفاعل العديد من المغردين عبر هاشتاج "الدورى يا أهلى": "فقال صلاح تعليقًا على هدف عبد الله السعيد "اللى بيبص بعينه وما بيرحمش بقلبه يا عبد الله يا أخويا"، بينما أضاف عمرو يحيى: "السولية عمل ماتش حلو وعمرو جمال نسبيًا.. عموما الحمد لله ومبروك يا أهلاوية واللى جاى أحسن إن شاء الله".
مؤمن زكريا
بينما شارك الكثير من المغردين حول هاشتاج "مؤمن زكريا" فقال طلال: "مؤمن زكريا لعب حلو بس برضو مش مستوى الأهلى وربنا مبيعرفش يعدى فى أى موقف واحد لواحد"، وأضاف إسلام الهادى: "الناس بتقول مؤمن زكريا نجم الماتش.. أنتوا كنتوا بتتفرجوا على ماتش تانى يا جدعان ولا أيه؟".
الدورى يا أهلى
وعلق آخرون حول هاشتاج يحمل اسم لاعب النادى الأهلى "عمرو جمال"، فقال أحد المغردين: "عمرو جمال عمل ماتش كويس مش هقول إنه أحسن واحد بس مجهوده كان ظاهر أوى محتاج استمرارية فى الملعب، وأضافت عبلة: "خلينا متفقين أن عمرو جمال كان كويس النهارده وأحسن واحد تقريباً!".
عدد الردود 0
بواسطة:
ابو دنيا
السيطرة الاهلاوية
سيطرة الاهلي كانت واضحة للجميع ولكن هل كل الفرق المصرية ستكون مثل الاسماعيلي الذي دافع فقط طوال المبارة وكان ممكن مباغتة الاهلي في الشوط الثاني بهدف مبروك للاهلي وحظ افضل للاسماعيلي
عدد الردود 0
بواسطة:
حافظ الشبراوي
بداية موفقة
مبروك فوز النادي الأهلي وهارد لك الإسماعيلي ، وحصول النادي الأهلي علي الثلاث نقاط التي ستعطية دفعة قوية في مزيد من الإنتصارات مع فريق عنيد وخصم قوي للنادي الأهلي ، وهذا هو المهم في أولي مبارياتة في الدوري العام ، علينا ألا نستعجل الأداء المميز في البدايات ، الحمد لله علي الفوز
عدد الردود 0
بواسطة:
البرنس...صلاح
مبروك
بدايه حلوه...وننتظر الاحلى
عدد الردود 0
بواسطة:
أحمدرفعت
اللى جاى احسن
الاهلى كان كويس والبدرى عامل شغل ممتاز ولسه اللى جاى احسن
عدد الردود 0
بواسطة:
الإسماعيلي ما خرجش من الاسماعلية أساسا عشان تحكموا على الماتش
الأهلي كان بيلعب لوحده
الأهلي كأن كويس عشان الإسماعيلي كان مش موجود خالص في الماتش أو بمعنى أصح لو الأهلي بتاع امبارح بيلعب مع فريق عايز يكسب كان اتغلب والنتيجة كانت هتكون تقيله على الأهلي
عدد الردود 0
بواسطة:
احمد البنا
الله يسامحكم
عمرو جمال لعيب بس مش للاهلي يجماعه لو سمحتو المهاجم المفروض يكون راجل شويه مش ننسي حرام عليكم وربنا مع احترامي للجميع لعبو مهاجمين دفعتو فيهم فلوس علشان يلعبو مش يقعدو علي الدكه وكمان عمرو جمال مش بيعرف يستلم كوره وهو واقف علي رجليهعلطول بيقع ايه ده هو فيه كده هو بياكل نيتى ولا ايه تعبنا والله