طالب الروائى والخبير فى علم الاجتماع السياسى، الدكتور عمار على حسن السلطات الحاكمة بتغيير مرشحة مصر لمنصب مدير عام المنظمة الدولية للتربية والثقافة والعلوم "اليونسكو" السفيرة مشيرة خطاب.
وقال "عمار" إن " ترشيح مشيرة خطاب ليس الأمثل، ومصر غنية بمن هم أو هن أفضل منها كثيرا للترشح، لكن لا أدرى لماذا تم التسرع وطرح اسمها على هذا النحو، وبتلك الطريقة، متعجبا من المغامرة باسم مصر والإصرار على الوقوف وراء خطاب، رغم أن فرصها تبدو ضعيفة، وتحتاج جهدا مضنيا من الدولة حتى يمكنها المنافسة.
وتابع الروائى والمفكر السياسى،"مشيرة خطاب بعيدة في اهتمامها وخبرتها عن اليونسكو، ولا أعتقد أن بوسعها أن تُقنع من ينتخبونها في نهاية المطاف"، مضيفا أن "منصب اليونسكو ليس منصبا وزاريا في مصر حتى يمكن لمن هم فى مثل إمكانات خطاب أن تناله، وعلينا أن نحترم عقلية العالم".
عدد الردود 0
بواسطة:
الاسد امصرى
وانا معك
الى د / عمار على حسن انا معك اؤيدك لا يجب ان تكون احد اهم سيدات سوزان مبارك مرشحة مصر لهذا المنصب
عدد الردود 0
بواسطة:
محمد
وانت شايف طبعا ان مرشح قطر هو الافضل؟؟!!!
يعنى بعد ما تم اعلان ترشيحها فى حفله عالمية واخدنا موافقة الدول الافريقية كلها واصبحت مرشحه افريقيا، نقوم نسحب ترشيحها لأن سيادتك شايف انها لا تصلح وفرصتها ضعيفة وبعدين؟؟!! نرشح حد تانى يعنى والا كفايه كده؟!! يبقى منظرنا ايه قدام العالم؟؟ ولو رشحنا حد تانى هايبقى ليه فرصه اساسا ؟؟!! وانت ايه اللى فكرك النهارده؟؟!! الغريب يا اخى ان كل الشخصيات اللى كانت دائمه الظهور على قناة الجزيرة ..سبحان الله فيهم حاجه مشتركه!!!
عدد الردود 0
بواسطة:
أحمد
مش مهم
لن تنجح فى كل الأحوال سواء هى أو لو تم ترشيح مرشح أخر . بس أموال بتتصرف من أجل الدعاية بدون داعي .
عدد الردود 0
بواسطة:
خالد المصري
حد يقوله
ينفع الكلام ده دلوقتي يا دكتور التوقيت غريب شوية و بعدين ينفع تقول كده من غير ما تطرح بديل يقنع ....!!! فكر قبل ما تتكلم يا دكتور شكلك وحش اوى. داهية لاتكون عايز حد يرشحك انت !!!
عدد الردود 0
بواسطة:
مصر
اولا هذه مناصب زائفه لا بتقدم ولا بتاخر والدليل البرادعى لما سلم العراق تسليم مفتاح لامريكا
طبعا انت عاوز واحد زى البرادعى او عصام حجى او مصطفى حجازى او جورج اسحق زمايلك فى الطابور الخامس
عدد الردود 0
بواسطة:
محمود عطيه
وما دخلك
هذا الشيء من نفايات انتفاضة الحراميه ولما توارى فى الوبا مع هنادى وانحسرت عنه الأضواء وأموال الفضائيات ما صدق يرقع تصريح متمنيا تعود ايام الرغد التى عاشها كل يوم برنامج على أكثر من قناه ومن هو هذا الشيء ليتحدث عن الوزيره والسفيره مشيره هانم خطاب هى القوالب نامت والارياع تتمنى أن تقوم ولا ايه كفانا نشر تصريحات لهؤلاء الأقزام الذين أضاعوا البلد ولولا عناية الله ما كنا استعدناها ابدا وانا اعلم انه لن ينشر هذا التعليق ولكن انا قولت ما يرضى ضميري ولله الأمر
عدد الردود 0
بواسطة:
إسكندرانى
واحد من اللى خربوا البلد بجدارة
انت و اللى زيك خربتوا البلد مش شرط كل اللى انت شايفه يبقى صح و أى حاجة مش على هواك و ضد رغبتك تبقى غلط .. لما حضرتك مش عاجبك السفيرة مشيرة خطاب اللى كانت سفيرة لمصر فى عدة دول ييقى أنت بتقول أن الناس كلها مش بتفهم و حضرتك الوحيد اللى بتفهم .. مش عارف إمتى البلد حتستريح منكم أنت كدة بتوقع المرشحة من مصر لصالح المرشح من قطر لما الناس تقول أن ابن بلدها بيقول كدة يبقى الأغراب يقولوا إية .. طبعا أنت عاوز المرشح القطرى حبايبك
عدد الردود 0
بواسطة:
أقعد على جنب يا عمار
على الرغم من كفاءتها و خبراتها الدبلوماسيه العريضه فأن المال دائما يتكلم
تجارب الفيفا و كئوس العالم أكبر دليل على أن الرشاوى و المؤمرات هى من تتحكم فى التصويت
عدد الردود 0
بواسطة:
محمد ابراهيم
الان تأكدت مليون فى المية ان عمار على حسن عميل قطرى !!!
يعترض على مشيرة خطاب لصالح المرشح القطرى ---- فيه خيانة لمصر أكبر من كده يا عمار --- أخص عليك الف أخص !!!!
عدد الردود 0
بواسطة:
اسامه
متي يكون التعليق للتعليق
لا اكتب دفاعا او هجوما علي مشيره خطاب او غيرها لاني لا اعرفها حق المعرفه ...ولكن اكتب دفاعا عن حريه الرآي ..الكل له مطلق الحريه في التعليق والكتابه والدفاع ..بشرط ان لا يجرح او يزم الطرف المضاد ... حريتي في الكتابه لا تعني ان اقيد حريتك في الكتابه ..ولكن تعني ان اضيف كلاما عقلانيا في الموضوع ... من وجهه نظري ..دون الحجر علي اي رآي ..اعتذر منك د.عمار اذا صدرت كلمات تسى اليك ...وياليت من اسآ اليك احسن الي مشيره خطاب بكلمات موضوعيه بدلا عن الانتقاص منك