مؤمن سليمان: "مش بعرف أشتغل غير مدرب أعطى محاضرات وأشخط فى اللاعبين"

قال مؤمن سليمان المدير الفنى المؤقت للزمالك، إنه تولى القيادة الفنية للأبيض فى مباراته الماضية أمام الإسماعيلى بقبل نهائى كأس مصر، ونجح فى تحقيق الفوز بنتيجة 4/0 والتأهل لنهائى الكأس، ومحمد صلاح كان بمثابة مستشار فنى فقط.

وأوضح مؤمن خلال تصريحاته لبرنامج "الكرة فى دريم": "دى حاجة تحسب للكابتن محمد صلاح، وسيادة المستشار سمع عنى كويس جداً، لكن ماكنش شافنى ولا يعرفنى كويس، وكان خايف فى حالة حدوث أى اخفاقات أتحمل العبء لوحدى، وساعتها الجمهور هيكرهنى لأنهم مش فاكرين اسم مؤمن كويس، وأنا لعبت 6 سنوات فى الزمالك لكن ما حققتش حاجة تخلى الجمهور يفتكرنى".

أضاف: "المستشار مرتضى قالى اعمل كل حاجة لكن خلى محمد صلاح معاك يبقى متقل الدكة، لكن فى الحقيقة كان ردى عليه إن حضرتك جبتنى علشان شغلى وأنا لو مشتغلتش الشغلانة اللي أعرفها يبقى جيت فى مكان غلط، وأنا بعمل التمرين وبقول محاضرات وبشخط فى اللاعيبة وبتكلم معاهم وهى دى الحاجة اللي بتميز فيها، ولو جيت علشان أعمل حاجة تانية فهكون مش الشخص المناسب.. وكان رد المستشار فى منتهى الروعة ومنحنى كل الصلاحيات، والكابتن محمد صلاح ربنا يبارك فيه حسيت أنه أخ كبير وعرفنى على اللاعبين ومتدخلش فى أى حاجة وكان بيساعدنى".

موضوعات متعلقة..

المسابقات: موقف ستانلى من نهائى الكأس مشابه لـ"جدو الصغير"