انتقد إكرامى الشحات، نجم الأهلى السابق، زميله مصطفى يونس، على التصريحات التى أدلى بها مؤخراً وهاجم خلالها القلعة الحمراء ورموزها، واتهم حسن حمدى ومحمود الخطيب بالسرقة، وحصد البطولات بالرشاوى.
وقال إكرامى خلال تصريحاته لبرنامج "كورة كل يوم" عبر شاشة "النهار اليوم": "ماينفعش يتقال عن حسن حمدى والخطيب أنهم حرامية، ودول أكتر ناس بتحب الأهلى، ومصطفى يونس تجاوز ضدهم بشكل فج، ولو معاه مستندات على الكلام اللى قاله يقدمها للنائب العام ويحبسهم، لأنه لو تستر على الفساد يبقى فاسد هو الآخر".
وأضاف إكرامى الشحات: "لازم أى حد يتهم شخص فى ذمته يكون معاه مستندات، لكن لو مصطفى يونس معندوش مستندات على كلامه يبقى لازم يقدم اعتذار رسمى على ما قاله.. وأنا تحدثت مع رموز كبيرة بالقلعة الحمراء ورفضوا مقاضاة مصطفى يونس، لأن مش أولاد الأهلى اللى يقفوا ضد بعض فى المحاكم".
.jpg)
عدد الردود 0
بواسطة:
gasergaser806@gmail.com
الحكاية
القيادات رفضت مقاضاة مصطفي يونس لان ايديهم زي سابقينهم اما حكاية ابناء الاهلي مايقفوش ضد بعض في المحاكم هجص . ولما اتشال هذاالمجلس بحكم محكمة من ابن الاهلي.لكني اميل الي تصديق مصطفي يونس.
عدد الردود 0
بواسطة:
Tito
الباشا رقم 1
تصدق ولا ماتصدقش انت حر إنما الخطيب وحسن حمدي ناس أيديهم نضيفه الدنيا قامت عليهم علشان الحقد الدفين ازاي وازاي الأهلي يمشي صح ويحقق المجد ده كله وده مش غريب علي النوعية دي من الشعب المصري اللي اكتر من نصفه منفسن وحقود' هو حصل آيه لحسن حمدي ؟ أهو عايش حي يرزق الموضوع كله كان بسبب هد اعظم كيان في مصر لكن بعون الله مش حيحصل وكلها ايام والانصاص اللي قامت وماشيه تبرطع زي ماهي عايزه حتختفي تاني.
عدد الردود 0
بواسطة:
ابو مروان \ كندا
هو مصطفى يونس اعصابه تعبانة شوية؟
عمال بيرغى كتير مصطفى عالفاضية والمليانة لانه عمره مااتحصل على وظيفة واحدة محترمة بعد اعتزاله وهو اصلا لاتاريخ ولا حتى جغرافيا علشان نسمع له بجانب انه عيب ان الناس تقعد تشتم فى بعضها بالشكل ده دايما لان مصر حاتفضل وراء دايما بالاشكال دى
عدد الردود 0
بواسطة:
سمير
مصطفي يونس اول لاعب في تاريخ النادي الاهلي يتطاول علي رموز من أبناء النادي
ويجب علي رايس النادي الاهلي الحالي ان يرد عليه اما ان يهمل ما قاله فهذا دليل علي انه يقف خلفه وهو ما قاله مصطفي يونس في وسط كلامه بالنص قال رايس النادي الاهلي الحالي قال انت لم تذكر كل شي وهذا يعني ان رايس النادي الاهلي سياده محمود طاهر لو هذا الكلام المنصوب لرايس النادي الاهلي الحالي يكون هو اول رايس يطعن في من سابقه وهذه ظاهره جديده علي الاهلي ويكون محمود طاهر متضامن مع مصطفي يونس ويجب ان يحاسب مثله وهذا يدل علي أسلوب لم يكن موجود في النادي من قبل سواء هذا الكلام صحيح او خطاء وهو يعتبر سقطه كبيره لرايس النادي مع مصطفي يونس وعلي الاثنين توضيح موقفهم مما أعلنه مصطفي يونس واني أصبحت مثل اعضاء الجمعيه العموميه ناسف كل الأسف علي ان مصطفي يونس من أبناء النادي وان رايس النادي الاهلي الحالي يريد ما قاله مصطفي يونس وهذ ه أمور لأول مره في تاريخ النادي الاهلي تدار الأمور بهذه الطريقه الغير أخلاقيه التي ليست من قيم أخلاق النادي الاهلي ولم نعهده من اي فرد داخل هذا الصرح الكبير وتأتي من إنسان استفاد من النادي الاهلي مال وشهره
عدد الردود 0
بواسطة:
ماهر راجح
مرتضى عنده حق
اما مصطفى يونس أهم واحد اهلاوى يقول كده يبقى مرتضى كان عنده حق أن معظم البطولات حصل عليها الأهلي بالرشاوى
عدد الردود 0
بواسطة:
قلق
مصطفى تونس !!!!!
ابو العقد مدافع شوارع +++ فيه ناس مبداها عشان تعمل مهم هاجم المهمين
عدد الردود 0
بواسطة:
حمدى عباس ابراهيم
الى : Tito [ نمرة ] Number 2
أنا نفسى عايز أصدقك . ادينى علامة على انك بتصدق : هل اسمك فعلا تيتو ؟ ولو كنت تيتو عرفت منين اللى انت بتأكده وهو أمر من أدق خصوصيات العمل الادارى داخل أسوار النادى لا يعلمها الا أحد أعضاء مجلس الادارة ؟ لكن من حقك وحق أى أهلاوى ينتهج مثل ذلك لا لانه أهلاوى بالذات ولكن لانها العصبية الحمقاء التى تصيب كل المتعصبين فيما لو كان تعصبنا للحق . لله . للوطن . للحب . للخير . للعقل .. لاى المعان المجردة ما كان هناك أهلاوى ولا زملهاوى ولا أهلى حتيت وزمالك مدلسة وكله كلام فاضى ومصطفى يونس أثبت انه الرجل بأخلاق القاضى . ومش القاضى اللى هو القاضى اللى هو بتاع محاكمنا لأ انا ماليش دعوة بدولاهمّة ولا لى دعوة بالسياسة أنا باقصد القاضى القاضى . وما تنساش ان مصطفى أهلاوى بل وسبق وأعرق فى أهلويته من اكرانى ومن الخطيب يبقى حايحقد على الأهلى ليه . هو فى الحقيقة حقدك أنت لانك أهلاوى بتغير على ألهلى لكن مصطفى قاضى بيغير على العدالة . رجل بيغير على الرجولة . جدع بيغير على الجدعنة . خلوق بيغير على الأخلاق . لاعب مخضرم بيغير على اصول اللعب الشريف .. وقبل ما تتهمنى أقسم انى لست زملكاويا ولا أمت بأى صلة شخصية بمصطفى يونس ولكنى أحبه فى الله ..
عدد الردود 0
بواسطة:
مصرى
حراميه
الاخ اللى حرب الكيان امال حسن حمدى دفع كفاله 2مليون ليه والاخ ياسين منصور اللى كان هربان ايام الثوره عشان نصاب كان بيصرف فى الاهلى حب فى الكيان لكى الله يامصر
عدد الردود 0
بواسطة:
بدون
مصر مصر
الاخ اكرامى جميع اللى زكرتهم متهمين فى سرقة اموال الشعب باسم نادى الوطنية من اول حسن حمدى حتى ياسين منصور والهوارى وماخفى كان اعظم لكى الله يامصر.
عدد الردود 0
بواسطة:
ماجد
كفاية بقا
لو عندك مستندات اللى بنيت عليها كلامك قدمها للنائب العام فورا واحنا هنكون وراك لكن لو كلام وخلاص اقولك كفاية احنا مش ناقصين . على فكرة من زمان والسواد اللى جواك سيطر على كل حاجة داخلك . انت عملت اية للنادي الاهلى . لا شئ على الاطلاق