أدم وجدو ياسين
لعب وضحك السنين
فرحة فى القلب والعين
جده شاف فيه الضحكة البريئة
الحياة عنده سهلة وبسيطة
قلب أبيض بالفطرة مسامح
قلب أخضر لسه طارح
ما فيه شىء
إلا الحب هو كل شىء
أحلامه كلها سعيدة
أمله فى لعبة جديدة
سهله ومش بعيدة
نظرته ليه بافتخار
إحساسه فى الحياة بالانتصار
طعم ومعنى للوجود
محبة من غير حدود
عرفها من زمن الجدود
أول مرة سمعه قاله يا جده
كان طاير وما حدش قده
لقى فى حياته سعادة
متعة وجمال بزيادة
لقى عُمره فى حَفِيده
ويوم ميلاده ده يوم عيده
وأدم شاف فى جده
قلب حنون صافى وطيب
من قلبه قريب
اللعب حلو معاه
أجمل شىء على هواه
رمز وفخر ليه
حب وحنيه عنده تلاقيه
من غير حدود
من زمن الجدود
لو مرة ما يلاقيه
يعيط كتير عليه
ولو مرة زعل منه
يجرى عليه ويصالحه
لقى فيه مشاعر
ولا يحكى عنها ألف شاعر
أدم وجده ياسين
أحمل قصة ما بين اثنين
عدد الردود 0
بواسطة:
محمد أبوهرجة
اجمل الكلام .
اجمل كلام من اجمل شاعر استاذ وائل فتحت صندوق الذكريات من زمن فات حيث كان الجد يحكى لنا أمثلة ومواعظ من حكايات ومواقف تعلمنا منها الكثير قبل ان نترك اطفالنا يتعلموا من الفيس بوك والمسلسلات والافلام فاصبح لدينا اجيال غريبة عنا لا تنتمى لنا باى شكل من الاشكال.