أشعلت صورة لامرأة عجوز بلغت من العمر أرزله، تمسح السلالم لكى تتحصل على قوت يومها، بينما يظهر الوهن على جسدها، لم يساعدها أحدا من أهلها على تحمل ظروف الحياة، موقع التواصل الاجتماعى فيس بوك، وتداول رواده ومتابعوه قصتها.
صورة البوست المتداول على فيس بوك
تحكى صاحبة المنشور:" النهاردة كنت بجيب حاجات من رجب العطار اللى فى شارع الأزهر ومكنتش أعرف أنهم بيقفلوا على الصلاة فالراجل تفضل وقالى ممكن تقعدى فى مدخل العمارة .. وإذ بى سامعة حد بيمسح السلم ولكن فوجئت الحقيقة لما وصلت وشوفت".
صور ة العجوز عند مسح السلالم إحدى العقارات
وتابعت حكايتها:" عظم على عظم وهن على وهن كبر على كبر ضعف على ضعف لما شوفتها قلبى وجعنى.. وضهرها حببتى مبيتفردتش محنية كده زى الصورة سالت الناس اللى شغالين قولت لهم ملهاش بنت أو ولد أى حد يراعيها ويكرمها قالوا لى ليها بس محدش عنده رحمة".
وأضافت قائلة:"فلما قومت من على الكرسى قالت لى تعالى يابنتى أقعدي فبقولها ربنا يقويكى ياحاجة ويديكى الصحة قالتلى لازم اعمل كده عشان الست متطردنيش من الأوضة لو الأجرة اتاخرت، معايا عيال صغيرة بأكلهم".
تفاعل رواد فيس بوك حول المنشور
عدد الردود 0
بواسطة:
lمهندس / سعيد أبوزيد
"من ذا الذى يقرض الله قرضا حسنا فيضاعفه له"
أرجو التكرم بإرسال عنوان هذه الأم المصرية والتى تعتبر بمنزلة أمنا جميعا ,,,, وشكرا
عدد الردود 0
بواسطة:
امنية
شارع الازهر
اكيد العنوان في شارع الازهر العمارة الا فيها عم رجب العطار
عدد الردود 0
بواسطة:
رشا يوسف
بياناتها جزاكم الله خيرا
انا قريت البوست على الفيس وعملت شير كمان بس الله يخليكم لو في حد يتبرع ويروح يعرف هي ساكنه فين علشان نقدر نتواصل معاها ..انا مقيمة بالخارج واقدر ابعت لها حد لحد البيت بس لازم العنوان الله يكرمكم ماتهملوش الموضوع في ناس كتير جزاهم الله خيرا مستعدين للمساعده بس رجاءا توصلوا لبيانات بيتها والعنوان تبلغوني ..واي حد من الكنترول يقدر يتواصل معايا اترك له بياناتي بالخارج للتواصل . جزاكم الله خيرا .
عدد الردود 0
بواسطة:
MIA
منظمات المجتمع المدني الحقيرة و جمعيات حقوق الأنسان الأحقر
لا أعرف ما هو الدور المنوط بمنظمات المجتمع المدني الحقيرة و جمعيات حقوق الأنسان الأحقر في هذا البلد هل هدفها لم الفلوس لصالحهم أو الدفاع عن القتلة و المجرمين و المتثوريين اللاأراديين، برجاء من بيده السلطة أن يحاسب هذه المنظمات علي الفشل بحماية المستضعفين في الأرض مثل هذه السيدة ،و أرجو من وزارة التضامن الأجتماعي أن تهتم بهذه الفئة من المواطنين اللذين ليس لهم سند في الدنيا.
عدد الردود 0
بواسطة:
عزه محمد
انا اعرف الست دي
انا عارفه الست دي مين يحتاج عنوانه يرسل لي خاص