انتقد عمرو جمال، مهاجم الأهلي، تصرف جمهور الألتراس بعد هجومهم على اللاعبين خلال مران اليوم، الثلاثاء، بفرع النادى بمدينة نصر بسبب تراجع نتائج الفريق فى الفترة الأخيرة وخسارة الكأس والخروج من بطولة أفريقيا.
وشهد مران الأهلي اليوم بفرع مدينة نصر هجوما من الألتراس على الفريق واشتباكهم مع اللاعبين، الأمر الذى أحدث حالة من القلق والرعب بين اللاعبين، خاصة بعدما تطور الأمر إلى إلقاء الألتراس الشماريخ على اللاعبين.
وقال عمرو جمال، فى جلسة خاصة جمعته مع بعض لاعبى الفريق، أمثال حسام غالى وحسين السيد واللاعب الصاعد أحمد حمدى، عقب هذه الأحداث الساخنة، إن هذا الهجوم الشرس من جمهور الألتراس ضد اللاعبين غريب على جمهور الأهلي، موضحاً أن اللاعبين لم يقصّروا، وأن هناك سوء توفيق يحالف الفريق خلال الفترة الأخيرة وحتى لو قصّر اللاعبون فهم لا يستحقون هذا السباب والتجاوز، وتابع عمرو جمال خلال الجلسة ذاتها: "من أمتى وجمهور الأهلي بيشتّم اللعيبة بـ"الأم"؟
ويستعد الأهلي لمباراة أسيك الإيفوارى يوم 24 أغسطس الحالى فى ختام منافسات دور الثمانية الأفريقى، والتى يخوضها الأهلي كـ"تحصيل حاصل" بعد الخروج من البطولة.
عدد الردود 0
بواسطة:
ابوماجد
عيني عليك باردة!!!
انت لاعيبة ماتستحقوش تلعبو باسم اكبر نادي أنتم آخركم بترول أسيوط لعيبة زبالة بتاخدو ملايين والجمهور محروق دمهم علي النادي وأنتم ملايين وسهرات وفسح والجمهور عندة استطاعة يحرم نفسة من كل شي في سبيل ان يشوف الاهلي منتصر وأنتم لعيبة زبااااااااااااالة وتيشرت الاهلي كبير عليكم حسبي اللة ونعم الوكيل فيكم وفي محمود طاهر
عدد الردود 0
بواسطة:
سالم المراغي
من عهد الاخوان
الشهادة لله من ساعة ما شفنا الحكم البغيض للاخوان المفسدين اللي وظف الالتراس للبذاءة لعنة الله عليهم
عدد الردود 0
بواسطة:
مرتضى منصور
حدث 2003
جمهور الاهلى عمل اكتر من كده من 13 سنه وعقب خسارة دورى 2003 من إنبى بهدف سيد عبد النعيم الشهير , وفى أول مران فى التتش عقب خسارة الدورى , حصل دش وشتايم وتهزيق من كل الجمهور كل ده وكانت اللاعيبة خايفة تخرج من غرف الملابس وبمجرد مانزلت ابتدى توجيه الشتايم والسباب لدرجة ان اللاعيبة غضبت ورجعت تانى غرف الملابس , وبعد كده دخل الخطيب وشاور كابتن طارق سليم قالهم انزلوا الملعب واياكم تردوا على الجمهور لان ده اللى عملكوا وكان بيهتف ليكوا وانتوا قصرتوا وضيعتوا بطولة سهلة ,, وكان فيه حالة سباب لاحمد ابو مسلم وحسام غالى وابراهيم سعيد ومحمد فضل والحضرى ,, والجماهير كانت بتسب الدين لمحمد فضل وحملوه خسارة اللقب لانه ضيع 3 فرص والجون فاضى .. وكان نتيجة الدش والهجوم ده بعد ايام قليلة الاهلى بفتحى مبروك أخد كأس مصر من الاسماعيلى فى النهائى ... مع احترامى لاى مشجع لسه صغير سنا ومحضرش الكلام ده , كل ده بيحصل ومن الخمسينات عند اى تقصير من لاعيبة الفريق ..
عدد الردود 0
بواسطة:
Vendetta
انا اقولك من امتي ؟
من ساعة اللاعيبة ما بقت "خواجات" في الملعب ! من ساعة ما ماتت روح الفانلة الحمراء و ظهرت ؟؟؟؟؟كم الحمراء ! من ساعة ما مسك النادي شوية رجال اعمال لا يهمهم الا عمولات الصفقات ! من ساعة ما حاد النادي عن مبادئه و تنكر لابنائه المخلصين فاقصاهم !! و لسه القادم العن و امر. اذا غضب جمهور الاهلي فلن يهدأ الا بالتغيير الشامل.
عدد الردود 0
بواسطة:
مصطفى
عايز ايه
عايز ايه من جيل خربان دينيا أدبيا وثقافيا وتربيه عايز ايه من جيل بيشتم واحد عنده 60 سنه في الشارع لما تقوله قد أبوك يقولك ابوي مش قليل الادب
عدد الردود 0
بواسطة:
مصري
انا اقول لك
طول عمر الجماهير بتشتم اللاعبين بالاب و الام في كل الفرق ولكن الالتراس استقوي و استفحل وللأسف بعض الاعلاميين الزبالة طبلوا لهم ومعظم مجالس الادارات واعضاء مجلس الشعب توصتوا لهم لإخراجهم من الاقسام بحجة انهم اولاد صغار و الخوف علي مستقبلهم.
عدد الردود 0
بواسطة:
احمد
طز فى الكورة
لو بسبب الكورة حد يموت يبقى طز فى الكورة اللى ناس تموت بسببها ... تانى حاجة موضوع الالتراس بصراحة ديه شوية عيال عندها طاقة و فراغ و فشلة اجتماعيا و مش لاقية حاجة تفرغ طاقتها فيها و على الحكومة يمسكوا الكابوهات و الداخلية عرفهم واحد واحد
عدد الردود 0
بواسطة:
الحقانى
يجب منع الجمهور للأبد
الشتيمة وقلة الأدب حاجة أساسية في كرة القدم المصرية وخاصة من الجماهير وعلشان كدة المفروض تظل المباريات بدون جمهور على طول لأننا لم نسمع من الجماهير غير كل إساءة وقلة أدب وألفاظ منحطة وهذا واقع مرير ولن يتغير
عدد الردود 0
بواسطة:
Hamed
من زمااان
اقعد علي أي قهوة في مصر واسمع السباب بكل أنواعه ... طالما النتيجة تشير إلي تعادل أو هزيمة الأهلي وذلك منذ عشرات السنين