سوزان بدوى تكتب: الطفل اللى اتكفن حى

الأربعاء، 27 يوليو 2016 04:00 م
سوزان بدوى تكتب: الطفل اللى اتكفن حى اشتباكات الاخوان أرشيفية

مشاركة

اضف تعليقاً واقرأ تعليقات القراء
فى مثل هذه الأيام من العام ٢٠١٣ تابعنا وعشنا العديد من الأدوار المسرحية التى ابتدعها منتسبو جماعة الإخوان، ومناصروهم وشركائهم وأعوانهم، كانت أدوار متعددة لكنها مفتعلة مبتذلة مقززة .

ومن هذه الأدوار ما شاهدناه على الشاشات من مشاهد تكفين الأطفال وتلقينهم الكذب بما يتوافق ونهج تلك الجماعة، حيث وقف أحد هؤلاء الأطفال المستخدمين فى طابور الأكفان حاملا لافتة كُتب عليها أبى أبى يا شهيد أنا بعدك مش هحيد لتستوقفه إحدى المراسلات مستخدمة ذكائها فى كشف أكاذيب من استخدموه فتسأله - هو انت أبوك عايش ؟ فيجيبها أيوه عايش، فتعود لتسأله أمال انت شايل اليافطة دى ليه؟! فيجيب -هم اللى وزعوها علينا، مشيرا بيده البريئة إلى منظمى هذه التظاهرة من المخابيل الموتورين الذين استخدموا كل الوسائل التضليلية الكاذبة لتضليل أتباعهم ومناصريهم قبل معارضيهم ولتصدير رسائل كاذبة للخارج عن الأوضاع من خلال نوافذهم الإعلامية البغيضة . وللشعر دائماً دور:
أنا الطفل اللى اتكفن حي
وأبويا الشهيد وافق يكفنوني
ما تستغربوش مانا أبويا
له مليون زي
ياللى ماتعرفهوش وتعرفوني
أنا أبويا راجل غلبان
فى رقبته صبايا وغلمان
لقى اللى يأكلهم ويأكلوني
حاولوا تعذروه حاولوا تفهموه
أو حتى تفهموني
أنا مش قصدى أتآمر
ولا ابويا قصده صدقوني
أنا قلبى بالبراءة عامر
والدليل على كده إني
شاورت عليهم لما سألتوني
قلت لكم دول اللى جابوني
فى المكان ده ووقفوني
لما لفونى بهدمة بيضا
فرحت وقلت هيكسوني
وأبويا واقف عالميضا
عارفهم بيكفنوني
هيتوضا لكن مش هيصلى عليا
يمكن هيدعى عالظلموني
وهيطلب من الله
يغفر له سكاته
ويسامحه فى يوم مماته
عاللى دبحوا طفولتى ودبحوني
قدام الخلق بحالها
وكأنهم بيجرسوني
وانا بارجوكم واستحلفكم
باللى خلقنى تسامحوني
وانا هادعيه لما اكبر وتشوفوني
يارب يارب ما تعرفونى .








مشاركة

التعليقات 10

عدد الردود 0

بواسطة:

سهي

القاهرة

ده اقل كلام ممكن يتقال علي تجار الدين

عدد الردود 0

بواسطة:

اشرف

الجيزة

حسبي الله ونعم الوكيل فيهم

عدد الردود 0

بواسطة:

امنية

فعلا مسرحية

فعلا مسرحية وحتي دي فشلوا فيها

عدد الردود 0

بواسطة:

محمد

القاهرة

صحيح واستغلوا الناس الغلبانة

عدد الردود 0

بواسطة:

عبدالله

القاهرة

عدد الردود 0

بواسطة:

منال

تحيا مصر

تحيا مصر رغم انف الحاقدين

عدد الردود 0

بواسطة:

مصطفي

شعر رائع

شعر رائع بالتوفيق دائما يا شاعرة

عدد الردود 0

بواسطة:

فاطمة

Cairo

عدد الردود 0

بواسطة:

Aya

تلقائية وبراءة الاطفال

تلقائية وبراءة الأطفال كشفت المسرحية دي

عدد الردود 0

بواسطة:

تسنيم

مشاهد صعبة

كانت مشاهد صعبة وايام صعبة لكن الحمدلله مصر بخير

اضف تعليق

تم أضافة تعليقك سوف يظهر بعد المراجعة





الرجوع الى أعلى الصفحة