وقالت الأم لـ"اليوم السابع": "أنا ابنى خلص الإعدادية ولما حاول يقدم فى الدبلوم رفضوه علشان درجة، ودوخت على المدارس مفيش ولا مدرسة قبلته، قالى خلاص يا أمى أنا هسافر أشتغل عند أخويا أحمد فى ليبيا ورزقنا على الله، وسافر من 4 شهور وبيشتغل عامل يومية، بيقعدوا فى حوش ويستنوا رزقهم لما ييجى حد من الليبيين يطلبهم فى الشغل، وكان بيكلمنى على النت دايما صوت وصورة يطمنى عليه، وآخر مرة كلمنى يوم العيد وقالى كل سنة وإنتى طيبة يا أمى، خلى بالك من نفسك والسنة الجاية أكون معاكى، ومن بعدها مسمعتش صوته، واتصلت عليه تليفونه مقفول وكلمنا أخوه كتير مردش علينا، وأول امبارح اتصل بأبوه وقاله علاء و4 من زمايله اتخطفوا، أنا كنت طلعت شغل وعرفت إنهم كانوا قاعدين فى الحوش وجت جماعة ليبيين قالولهم فاضيين تشتغلوا معانا فى المبانى وأخدوهم واتصلوا بيا قالولى عايزين نصف مليون دينار علشان نطلق سراحهم وقدمنا بلاغ هنا".
بالفيديو.. والدة أحد عمال الفيوم المختطفين... by youm7
موضوعات متعلقة..
- بالفيديو والصور.. دموع أهالى عمال الفيوم المختطفين فى ليبيا.. أمهات الضحايا: "أولادنا سافروا لما ضاق بيهم الحال هنا".. والآباء: اتشعبطوا فى حبال الهوا علشان يأكلونا ولو معانا الفدية ماكانوش سافروا
تم أضافة تعليقك سوف يظهر بعد المراجعة