ورصد الطالبة روبرتا رشال، من وجهة نظرها، كطالبة فى الثانوية العامة، معاناة الطلاب وذويهم مع تأجيل وتسريب الامتحانات المستمر، وفيما يلى نص ما كتبته:
يعنى إيه طلاب الثانوية العامة اللى بيحلموا بأخر يوم امتحانات، فجأة و بدون أى مقدمات يعرفوا إن فيه قرار بتأجيل الامتحانات " اسبوع كامل" و السبب ايه؟!.. وزاره فاشلة مش مسئولة..
طلاب الثانوية العامة مش لعبة! دول ضحايا، ضحايا لمنظومة فاشلة وطريقة تعليم متخلفة.
ونرجع نقول فى الآخر ليه البلد بايظة وليه الشباب بيهربوا، وليه عندنا دكاترة بيموتوا ناس فى إيديهم ومهندسين بيوقعوا عمارات!!
حد دلوقتي فهم وعرف ليه كل ده؟؟
وزير التربية والتعليم عارف ليه ولا تحب نقولك؟؟
بلاش نكلم الوزير و نكلم " رئيس الجمهورية "حضرتك عارف ليه البلد مش بتتعدل وليه احنا اتأجلتنا الإمتحانات ؟
علشان فيه ناس قاعدة في اماكن اكبر منها و مش قادرين عليها!
علشان ابسط حقوقنا مش عارفين نمتلكها..
وزارة التربية والتعليم هي الوزارة الوحيدة المحتاجة للتربية والتعليم
احنا كطلاب ملناش ذنب في انهم فى الوزارة مش قادرين يتحكموا في فشلهم و يطلعوا ده علي الطلاب
اهالينا ايه ذنبهم يعيشوا التعب ده اسبوع تاني بسبب فشلكم!
ليه نوصل لمرحلة دعوة أب و أم بحرقة علشان شايفين عيالهم تعبانين ، ليه نوصل ان التعليم بقي كابوس و حاجة مش مرغوب فيها!!
فيه كلام كتير بيكون قبله " ليه"؟؟
مين هيرد عليه ؟؟
خلينا متفقين ان محدش يقدر يرد عليه لأن السبب في كده مش فاهم اصلا السبب
شكراً للوزارة على القرار الجديد الناتج عن فشلكم، واللى هيكون سبب فى تنسيق مش فى مصلحة أى طالب.
واخيراً شكراً للوزير على المنظومة الفاشلة، وشكراً للطلاب اللى تحملوا فوق طاقتهم من أول السنة علشان الناس الموجودة المسئولة مش بتقدر عقلية الجيل الطالع وبيستخفوا بتفكيرهم وكلامهم.
موضوعات متعلقة..
بالفيديو والصور.. طلاب الثانوية العامة يتظاهرون أمام "التعليم" اعتراضا على إلغاء الديناميكا.. ويتحركون بمسيرة لـ"النواب" ويقطعون شارع قصر العينى .. وأولياء أمور يجمعون توقيعات لرفع دعوى وقف القرار
