تقول "سناء" أن أهم صفة يجب أن تكون فى الرجل هى "الاحترام"، وتعنى بالاحترام أن يراعى مشاعرها .. وألا يُقلل من شأنها، أو يتعمد إهانتها أمام الآخرين، فتقول "لو هو مش شخص محترم، هتلاقيه ممكن يقولها كلمة تجرحها قدام الناس وهو مش واخد باله".
أما "نها" فتقول أنه لا يوجد شخص بلا عيوب، لذلك فأهم صفة فى أى شخص سترتبطين به أن يتقبل عيوبك ويستطيع الصبر عليها، وتبرر ذلك قائلة: "لأن مهما كان طيب وكويس بس واقفلها على الواحدة وعلى كل غلطة، الحياة مش هتمشى .. لو فقير أو غنى مش هتفرق قد ما هيفرق تقبله لعيوبها".
"المسؤولية" كان هذا رد "بسمة" عن أهم صفة فى الرجل، فتقول "أى عيب فى الراجل حتى البخل ممكن تستحمله البنت، إلا إنه يكون عديم المسؤولية" وتوضح: "الجواز أصلاً مسؤولية .. فلازم يكون قده".
وتقول "دعاء"، "يكون عارف ربنا"، وتعنى بذلك أن يتقى الله فيها وتؤكد: "كتير من البنات بتقول أصل بحبه، أصله طيب .. كل الكلام ده فارغ، لازم البنت تفكر: بيحبك يعنى بيخاف عليكى ؟ حنين عليكى ؟". وتضيف "عارف ربنا معناها إنه مش بيصلى ويصوم وبس، عارف ربنا يعنى بيتقيه فى كل تصرفاته مع الناس، ومعاها".
وتستكمل حديثها قائلة: "تحمل المسؤولية برضه حاجة مهمة جداً، أغلب صحباتى اتطلقوا بسبب إن الزوج معتمد عليها اعتماد كامل حتى لو فيه حاجة تتصلح فى البيت بيخليها تصلحها، ومش بيشتغل، عشان كده لو بنت لقت واحد مطحون فى شغله، تتجوزه من غير تفكير".
"إنه يحس بيها أو بمعنى أصح الاهتمام" هذا مااعتبرته "أم عمرو" من أهم الصفات التى يجب تواجدها فى الرجل، فتقول: "أنا الحمد لله جوزى مش بخيل ولا حاجة .. بس مثلاً فى عيد ميلادى مبيهتمش وبيكون رده إنى لما أحتاج حاجة أجيبهالك مش لازم عيد ميلادك، وانا بيبقى قصدى كلمة حلوة، أو وردة أو أى حاجة تحسسنى باهتمامه" وتتابع فى حديثها: "أنا مفتقدة جداً الحنية والاهتمام النفسى قبل المادى، الاهتمام بيخللى الحياة فيها روح، وعدم وجوده بيخليها باردة لأبعد الحدود".
موضوعات متعلقة ..
"إلحقها قبل فوات الأوان" .. علامات بتقولك إن مراتك محتاجة اهتمامك
بصى لها من الناحية الثانية.. 6 مميزات لا تملكها سوى "آنسة" فى الثلاثين
تم أضافة تعليقك سوف يظهر بعد المراجعة