هو ليه لو ضحكت ثانية
أبكى بعدها أسبوع
هو ليه لو ولعت شمعة
تنطفى جنبها شموع
هو ليه أحضان الحبايب
خناجر فى الضلوع
هو ليه تزرع ورد
وشوكهم دايماً مزروع
هو ليه أعمل أللى يفرحهم
واللى يفرحنى ممنوع
هو ليه موج بحركم
بيكسر لمركبى القلوع
هو ليه أفرح لابتسامكم
وأنتم تفرحونى بالدموع
هو ليه دانا من ظلمكم
قلبى بيصرخ موجوع
هو ليه لو ضحكت ثانية
أبكى بعدها أسبوع
هو ليه لو ولعت شمعة
تنطفى جنبها شموع
شخص حزين - صورة أرشيفية
