رحل، اليوم، عن عالمنا الشاعر "طارق مايز" وهو من مواليد 1966 ويقيم فى المنصورة، وللشاعر عدد كبير من القصائد، ورثاه عدد كبير من الشعراء والكتاب والمثقفين خاصة أبناء المنصورة، وننشر عددا من قصائده:
قلت الفضا باع النجوم للشمس
قلت الفضا باع النجوم للشمس
قلت الصدى حول صراخنا لهمس
دا الحلم ماسك طرف توب امى
همى ..... بقى همى
يا صرخة المولود فى قلب المدى
لمى .....!!!
قلبى البرىء المرمى جوا ضلوعى بيغنى
(امانه عليك ياليل طول)
انا عيل .....!
وانت كمان يا صاحبى بتليل
فارد حكمتك عل عقول البنات المحتاجين للعشق
راشق عنيك الحمرا ع السكك للضى
خايف من وجودى ف حكمتك
ولا مستنى !!
خايف على شكل اللقا ف القبر
خايف م اللى باع الوهم للتأريخ
خايف لا السراب الحلم يبقى صبر
يا صاحب العمر اللى طال
كل الحكايا أننا حلمين بساط قوى
بيحلموا
يتحققوا
فى القلب والننى
انفد يا صاحبى
انفد يا صاحبى باللى باقى من حياتك
ولا خايف من مطاردة ذكرياتك
انتظر يا صاحبى لحظه
همى هو هم بكره
فرحى يمكن جاى فى فكره
ولا اقولك بالسلامه
بس اوعى تنسى انى
قلت لك
رغم كل اللى فقدته فى سكتك
الآهات فى الذكريات
والحياه أصل الممات
اعزف يا ناى مره فرح
اعزف يا ناى مره فرح
وارينى رسمك للطرح
راح تعمل ايه للقلب قول
أن عشقه طال وﻻ انجرح
تعادليه
تعادليه
لو فتحت عنيك ف قرص الشمس
مش ح تشوف
لو فتحت عنيك فى ليل الضلمه
مش ح تشوف
انا عايزك ف نص الدايره جواها
ف مركزها
خيوط الدايره جمعها على صباعك
ولفلفها
خبايا الدايره ،
أبعادها ، واوتارها
بطرف صباع ....... ح تبلفها
الغراب
الغراب
لم أعتد النوم والنوافذ مشرعة على الفضاء
لأن للضوء أصواتا تزعجنى
وقبل تمام الاستيقاظ اليومى
رأيته على الشباك واقفا حائرا
اول مرة أراه فى حياتى
كان على نافذة فندق خمس نجوم فى بومباي
رأيته ولم أسمع صوته
ولكنه اليوم زعق
أو نعق
رأيت مفاتيح الحكمه تخرج من بين شدقيه
حاولت اللحاق بها ففشلت
وانتبهت فلم أجده
وترك لى فكره تكاد تفتك براسى
أن اقتل أحد أفراد عائلتى
لاستفيد من خبرته
فى مسألة الدفن
عدد الردود 0
بواسطة:
د محمد صبري الدالي
إلى رحمة الله يا صديقي القديم الجميل
بالفعل مفاجاة لي أن أعلم بوفاة طارق مايز ابن البلدة الطيبة ظفر وصديق مرحلة الصبا والشباب المبكر بالمدرسة الثانوية بتمي ثم بجامعة المنصورة الهذا الحد حياتنا قصيرة بالفعل عزائي لكل أهل بيته وأسرته وبلده ولكل زم?ء دفعة ثانوي 83 بتمي