روت الفنانة داليا البحيرى، خلال حسابها الشخصى بموقع التواصل الاجتماعى فيس بوك، ما حدث لها فى مطار القاهرة واستيائها من إجراءات التفتيش التى خضعت لها أمام الجميع، ورفض المسئولون تفتيشها ذاتياً فى غرفة خاصة باعتبارها امرأة.
وكتبت داليا:"حزينة جدا جدا مما حدث معى فى مطار القاهرة، خضعت لكل قواعد التفتيش من خلع الحذاء والمشى على الأرض، للأسف فى منتهى القذارة، وأنا بلبس الجزمة لا مؤاخذة لقيت حد بيخبط على كتفى بلف لقيت موظفة أمن على وشها غضب ربنا، قلتلها فى حاجة؟! قالت لى تفتيش، قلتلها آه طبعا، وابتدت تحط إيديها عليا، قلتها ثانية واحدة! حتفتش ذاتى هنا؟!قدام الناس؟! مفيش غرفة تفتيش؟! بستارة؟! قالت مطلوب تتفتشى قدام الكاميرا.. نهار أسوح".
وأضافت :"قلت يمكن مفيش أوضة تفتيش، واتفتشت، واكتشفت إن فى غرف تفتيش موجودة وفاضية، روحت سألت الضابط المسئول، وقالي معلش أصل فيه ناس بترفض تتفتش فى الغرفة، هو بمزاجهم؟! طب أنا مارفضتش وأبديت استيائى وفى الآخر اعتذرلى، افتكرت الله يرحمه الأستاذ فؤاد المهندس، احسس واعتذر، إحنا ضايعين مفيش قانون! ليس لها من دون الله كاشف مأساة البلد دى شعبها".
داليا البحيرى
عدد الردود 0
بواسطة:
عمر .. London
مطارات أروبا وامريكا
طبعا هي فاكره نفسها انظف من بقيت الناس وأنها ست الحسن والجمال .... انا بسافر وعايش بره مصر وواثق ان بيحصل كده في اي مطار حتي هيثرو لندن اعظم شخص بيمر بالتفتيش وكمان أمريكا ولو جدع اعترض ... بتتحبس علي الفور وتترحل من المطار لو عملت فيها انك مهم تفتيش زاتي في غرفه مغلقه يا مدام قليطه إنتي ده لما يكونوا ها يقلعوكي هدومك !!! لكن اي مطار دولي انتي سافرتي منه زيك زي اي شخص تم تفتيشك والكلام ده علي الكل ... وطبعا كانت لي قلبك زي العسل ومقدرتيش تقول كلمه واحده .... بلاش نفخه فاضيه إنتي لما بتمثلي في اي مسلسل او فيلم بيتمسح بيكي الارض وبتسكتي " علشان الفلوس ) لا بلاش تعيش في الدور دي أجرات أمنيه لسلامه الجميع مش من 5 دقايق ... بلاش نفخه فاضيه ... وابقي قولي حاجه مفيدة.
عدد الردود 0
بواسطة:
بنت البلد
إجراءات أمنيه
لا مانع ولكن يجب أن تتم باحترام وعلي حسب رغبه المسافر أنا عايشه بالخارج وأسافر دائما وحدث إعتراض مني وطلبت طرق معينه للتفتيش ولم يعترض أحد علي طلبي وإذا كنا نهان بالخارج ونقبل الإهانه فلا يجب أن نهان في بلادنا. بطلوا حقد علي خلق الله.
عدد الردود 0
بواسطة:
...
....
هو ليه الفن المصري بقي في الحضيض وبقي فاشل وبقي دمه تقيل ويلطش زى كل حاجة في الدولة لان القائمين عليه من امثال هذه الاخت الجاهلة
عدد الردود 0
بواسطة:
سامي
حسبنا الله ونعم الوكيل
حسبنا الله ونعم الوكيل والله العيب في الشعب اللي بقي يتعصب من اي حاجه من الاخر والله مش طيقين بعضوبنتعالي علي بعض وكمان قلبنا مش عاي بلادنا تتقدم لا نرفع اسعار السلع المصويه ونعلق الشماعه علي الدولار ليه كده يابلد
عدد الردود 0
بواسطة:
صلاح عبد الله الفاجومي
يعني ايه تفتيش ذاتي....
مفروض تعرفي يا نجمه ان التفتيش الذاتي يعني تفتش فمك، مَش تحسس عليك من فوق الهدوم او تخلعي الجذمه. مَش علي رأسك ريشه واحدع منك بيخلع الحذاء وهو مبتسم، بلاش تهويل.
عدد الردود 0
بواسطة:
مواطنة مفروسة
بقيت الناس مفترية علي الغلابة
وايه المشكلة يا فنانة مش زيك زي بقيت الناس ولا علي راسك ريشة ولا لازم تعملي ضجة وهيصة علشان تتشهري اكتر ؟
عدد الردود 0
بواسطة:
عصام محمود
لا حول ولا قوة الا بالله
الفنانة حبيبة الكل ... لم تعترض على إنها تتفتش .. وهي ماقالت كدة .. ولكن فيه أسلوب محترم للتفتيش وفيه غرفة مخصصة لكدة ... ولا هي الحكاية طولة لسان وحقد طبقى على الفاضي ... للناس اللي مش عاجبها إنها معترضة .... هي معترضة على الأسلوب وليس على المبدأ يا ناس ... مش كدة ولا إيه .... الله يرحم فؤاد المهندس.
عدد الردود 0
بواسطة:
د مايكل اسكندر
ما يحدث ف المطارات لامن كل الناس
انا دكتور فى الحجر الصحى باحد المطارات وبتفتش ذاتى وبقلعةالجذمة لو عديت 50 مرة من البوابات ومبزعلش ولا بتضايق وكل اللى بيفتشونى عارفينى كويس ده غير انى معايا تصريح لدخول الصالة والمهبط ،، فبلاش تناكة فارغة
عدد الردود 0
بواسطة:
نجلاء
على فكرة هى بتتكلم صح
و ايه المشكلة لما يتم تفتيش السيدات فى حجرة او وراء ستارة...احنا مش معترضين على التفتيش احنا معترضين على الطريقة المهينة الى بيفتشوا بيها السيدات اما الرجال بطريقة مقززة.
عدد الردود 0
بواسطة:
نجلاء
يا جماعة نرجوا القراءة قبل التعليق
معظم الناس بتعلق على الموضوع من العنوان و خلاص و عمالين يشتموا و يتهكموا ....الست مش معترضة على التفتيش خالص هى معترضة على طريقة تفتيش السيدات امام الرجال....ولا انتوا بتبقوا واقفين مبسوطين و انتوا بتتفرجوا.