.jpg "د. صبرى إسماعيل يكتب: مصر اللى بنحبّها")
مصر اللّى بنحبّها هى الهرم والنيل
وكل نبض فى وطن وكل همس الليل
وكلّ نور الأمل يروى حوارينا
وعزم مليون جدع على صدرها بيميل
*******
مصر اللى بنحبّها هىّ عِيال كرموز
والصاغة والسيّدة وابن الشهيد عزّوز
واهل الصعيد كلّهم واخوانّا فى الدلتا
وسينا فى دمّنا على حبّنا بتحوز
*****
مصر اللى بنحبّها هىّ التراب والزرع
وهى غنوة فتى فوق القنا بتشّع
وكلّ دمعة صبية من فراق صابها
تِجرى الرسايل بها فوق الخليج تلتع
*****
مصر اللى بنحبّها كان ابنها مدنة
ورجالها روح الوطن فى حُضنها سدنة
ولما تنده تنادى نيجى بالملايين
تشهد علينا الملاحم فى القنال خُضنا
******
مصر اللى بنحبّها هى الفتى المغوار
يبنى صروح الوطن ويدشّن المشوار
يرمى شراع المحبّة فى بساتينى
لايكون نيازك خطر ولازمجرة إعصار
******
مصر اللى بنحبّها وحدة تقوّينا
فوق القنال نصرنا هفهف على سينا
حطين ينادى الوطن واحنا نقول لبيك
مليون دراع تنفرد تحمى فى وادينا
*****
عدد الردود 0
بواسطة:
على أحمد
روووووووعة
تحيا مصر
عدد الردود 0
بواسطة:
احمد سعود
احسنت
مصر محفوظة ان شاء الله
عدد الردود 0
بواسطة:
كوثر محمد احمد
مصر هبه النيل
روعه يا دكتور صبرى احسنت الكلمان وجسدت الوطنيه فى كلمات جميله
عدد الردود 0
بواسطة:
كوثر محمد احمد
مصر هبه النيل
روعه يا دكتور صبرى احسنت الكلمان وجسدت الوطنيه فى كلمات جميله
عدد الردود 0
بواسطة:
كوثر محمد احمد
مصر هبه النيل
روعه يا دكتور صبرى احسنت الكلمان وجسدت الوطنيه فى كلمات جميله