أكد طارق يحيى المدير الفنى لفريق الشرقية أن عدم مشاركة أحمد الشناوى حارس الزمالك، فى مباراة المنتخب الوطنى والكونغو بالتصفيات المؤهلة لمونديال العالم، وجلوسه احتياطياً للحارس المخضرم عصام الحضرى، أثر بالسلب على نفسيته ما أدى لهبوط مستواه وفقد تركيزه فى لقاء الذهاب أمام صن داونز.
وأضاف طارق يحيى، خلال تصريحاته لبرنامج "مساء الأنوار" عبر شاشة "ON SPORT"، أن نفسية الشناوى تأثرت عندما فوجئ بجلوسه على مقاعد البدلاء للحضرى، ولم يحرس عرين الفراعنة أمام الكونغو، خاصة أن جميع وسائل الإعلام كانت تشير إلى أن الشناوى سيكون الحارس الأساسى.
وتابع يحيى أنه تحدث تليفونياً مع مؤمن سليمان المدير الفنى للزمالك، وكشف له الأخير سر الخطة الهجومية التى خاض بها لقاء ذهاب النهائى الأفريقى أمام صن داونز، وقال له مؤمن: "دفاع صن داونز ليس بالقوة الكافية، ولم يستطع الصمود أمام هجوم الزمالك، وسعيت لاستغلال تلك الثغرة إلا أن مجريات الأمور جاءت عكس ذلك، والدليل أن الثلاث أهداف لم تكن بسبب سوء الخطة".
واقترح طارق يحيى أن يبدأ مؤمن سليمان لقاء العودة بالدفع بأحمد توفيق وطارق حامد ومعروف يوسف فى الوسط، ورمزى خالد فى الجبهة اليمنى، وإسلام جمال فى اليسرى، مؤكداً أن هذا التوقيت كان يحتاج لاعب بقيمة حمادة طلبة لقدرته على اللعب فى العديد من المراكز.
عدد الردود 0
بواسطة:
سيدالخطيب
مدرب الزمالك: دفاع صن داونز ليس بالقوة الكافية، ولم يستطع الصمود أمام هجوم الزمالك،
شكل العالم دي ما شافت المباراة .. دا نتو كنتو مصخرة
عدد الردود 0
بواسطة:
محمد الشامي
حبي للذمالك
احب اقول لمؤمن سليمان العب دفاع علي فتحي واسلام جمال وعلي جبر ورمزي خالدباك ايمن وسط (معروف يوسف وطارق حامدو احمد توفيق )الهجوم ايمن حفني وشيكابالا واستانلي مهم جدا ولاعب مدرب صان دونز ازاي او ليبه ازاي تحب تجننهم لاعبهم بخط الوسط للدفاع ثم خط الوسط بالهجوم بمعروف واحمد توفيق وطرق حامد مراقب واسط
عدد الردود 0
بواسطة:
ابراهيم السنباطي.المحله الكبري
طب احمد ربنا ان كوبر غلط وحط الحضري كنا هنروح في داهيه
مع احترامي للكابتن طارق...انتا بتقول ايه؟ ايه علاقه الحضري بمستوي الشناوي؟
عدد الردود 0
بواسطة:
nassy
كابتن يحيى
هو ده مستوى ألشناوى ياكابتن يحيى ولا لازم نلاقى اعذار لكل حاجة ولما نعترف بأخطأنآ ممكن يتحسن مستوانا وبلاش الشو الاعلامى لان الزمالك هيتغلب تانى
عدد الردود 0
بواسطة:
تامر زينة
دة رأى مدير فنى ؟
بالله عليكم دة رأى مدير فنى يقولة ؟؟ يعنى لو أى لاعب عندك ملعبش ماتش مهم ينزل الماتش اللى بعدة يبقى مرجيحة ؟؟ ارحموناااااا ياللى أساميكم فقط مديرين فنيين هى الكرة المصرية خربت من شوية ؟؟ و ماتش الوداد بردة كان مقموص من حاجة يا كوتش ؟ أرحمونااااااااااااا
عدد الردود 0
بواسطة:
اسامه مصطفى
شماعه الفاشلين
واحد يقولى سحر وواحد يقولى المنتخب وواحد يقولى كوبر السبب ايه المبررات الخيبه دى وبعدين الحمد لله انه مالعبش مباراه الكونغو ده بقى مدمن خمسات وثلاثات
عدد الردود 0
بواسطة:
munir
كلام فارغ !!!
العكس هو الصحيح المفروض ياكابتن ان الحماس والرغبة للعودة لحارسة مرمى المنتخب يكون حافز للاجادة فى مبارة فريقة مع صن دونز ..مش الاحباط اصابة دة مبررات عبيطة ولامؤخذة ..ومتأكلش عيش .وللاسف هو دة مستواة الحقيقى ولو لعب مباراة الكنغو كان ممكن يعمل كوارث واللة سلم..ومازلت اقول ان جنش افضل منة بكثير واخذ الفرصة واثبت نفسة وهو الحارس القادم للفريق والايام بيننا...
عدد الردود 0
بواسطة:
Zicoooo
جهل كروي
يا مورينيو عصرك واوانك ماهو إكرامي كان خارج التشكيل وعمل أحسن ماتش في تاريخه قدام الداخلية والحضري ياما كان احتياطي للشناوي وماعيطش وجابوله طبيب نفسي يعالجه بطلو طبطبه علي الشناوي وتخليه يسترجل شويه
عدد الردود 0
بواسطة:
medo
روح يا شيخ اتكلم كويس
المفروض انه يتحدى ويثبت انو احسن وافضل مش انو يخيب .... طيب نوقفو للمنتخب ماتش غانا ولو عمل زى ماتش الزمالك المفروض انت وهو فى ميدان عام.... ممكن نقول برده انو مغرور اووووووى وثقه زيادة بدون امكانيات من كتر نفخكووو فيه... اتكلمو المعقول علشان المشاهدين بنقرف من التبريرات و الحجج . عصام اسطورة و المفروض محدش يقارن نفسه بيه ....عيب.
عدد الردود 0
بواسطة:
احمد صلاح ابراهيم
كلام لايصح الا للمراهقين
المفروض لاعب محترف و عمله الكورة وبس و نحن من ندلع ونطبطب يعنى لو ملعبش اى لاعب مباراة يبقى مستواه سيئ . ده كلام لايصح الا للمراهقين . بلاش نبرر سوء المستوى فى مباراة بهذا الكلام. نقول ماكنش موفق فى هذه المباراة بدل الدلع ونقول نفسية وعصبية