ياللى بتسأل مصر رايحة على فين؟ دا احنا يدوب بقالنا سنتين وكام يوم
30 مليون طلعوا يوم 30 والجيش لبى الندا وأزال الغم
يوم 3 ابتدا المشوارومصر عادت لاولادها بعد اختطاف الأم
سددنا ديون سنة سودة وانتصرت إرادة شعب رغم الوعيد والدم
وفى أيام معدودة فى عمر الشعوب بقى عندنا قناة هدية لكل العالم
تمر من تحتها أكبر الأنفاق تربط تراب الوادى بسينا والعريش وشرم
على ضفافها مشروعات كبرى تشاركنا فيها كل الشعوب والأمم
مزارع سمكية ليس لها مثيل تسد فجوة غذاء وتوفر طعام للفم
مشروع قومى للطرق يزيد عن ما هو موجود شرق وغرب شمال وجنوب ما أحلا الوصل
مليون ونصف المليون فدان بدأنا فعلا نحصد منها ما زرعناه بالعلم
محطات كهربا اتكلفت مليارات ومعدش فيه قطع نور يضطرنا للنوم
آبار بترول وغاز يكفى احتياجاتنا ويزيد مكافأة من ربنا عشان ماحدش يحمل الهم
مصانع فى كل شبر فى مصر وتعدين ومحاجر ومنجم
الأسمرات فى المقطم وبشاير الخير فى غيط العنب والإسكان الاجتماعى دليل على أن الدولة بكل أولادها تهتم.
مصر النهارده وبكره استعادت ذاكرة الريادة والتاريخ يشهد لها ومعها والله يحميها حقيقة لا وهم.
الخير كتير واللى جاى أفضل الصبر مطلوب ومن طلب العلا سهر الليالى والحمد والشكر لله فمنه كل النعم.
