الخميس، 30 مارس 2017 12:44 م
خالد صلاح

زكى بدر من جامعة الفيوم: "الدولة مش هتقدر تدى الطالب أكتر من كده"

الخميس، 13 أكتوبر 2016 12:08 م
زكى بدر من جامعة الفيوم: "الدولة مش هتقدر تدى الطالب أكتر من كده" أحمد زكى بدر

كتب وائل ربيعى – رباب الجالى

قال الدكتور أحمد زكى بدر وزير التنمية المحلية، إن فترة الجامعة بالنسبة للطلاب هى أفضل فترات حياتهم على الإطلاق، مشيرا إلى أن الحياة بعد التخرج من الجامعة مليئة بالعمل والضغوط والمسئوليات المتراكمة، مؤكدا: "الدولة مش هتقدر تدى أكتر من كده.. نحمد ربنا على اللى احنا فيه".

وأضاف "بدر"، خلال كلمته لطلاب جامعة الفيوم أثناء زيارته التفقدية للجامعة بصحبة وزير التعليم العالى الدكتور أشرف الشيحى، اليوم الخميس: "بعد التخرج هتشوفوا مجهود تربية الأولاد، وهتفتكروا الأيام الجميلة بتاعت الدراسة والإجازة"، مؤكدا أن الطالب لابد أن يعيش حياة الطالب بكل ما تحمله تلك الكلمة من معنى، من دراسة ورحلات وترفية وحفلات وفن هادف نظيف ليس فقط دراسة.

 

وتابع وزير التنمية المحلية: "بعد التخرج كل اللى فات هيروح وتبدأ حياة العمل والشغل والجد.. الطالب لازم يذاكر ويجتهد والمحاضرات والسكاشن مع الرياضة والحفلات والرحلات والثقافة.. شخصيتكم تبنى فى المدرسة والجامعة هتلاقى الوقت قل بعد التخرج.. ولازم تستفيدوا من حياة الجامعة بالثقافة والفن الهادف النضيف".

 

واستطرد وزير التنمية المحلية: "كلنا فى بيوتنا مش بنقدر نشترى كل حاجة محتاجينها.. الدولة كمان كده متقدرش تجيب كل حاجة.. نقول الحمد لله على النعمة.. معندناش إمكانيات وفلوس فلازم نعوض ده بالشكر والعمل مع الوقت والاجتهاد"، مؤكدا أن الرضا يجب أن يصحبه العمل لكى نتقدم.





تعليقات (2)
1

طبعا

بواسطة: عماد عمار

بتاريخ:

فيه حاجات حضرتك ما بتقدرش تجيبها يعني زي طياره خاصه وما شابه

2

هو التصريح ده من حقه وهو وزير محليات والا اى وزير يقول فى اى موضوع

بواسطة: ريح ضهرك

بتاريخ:

والا وزير التعليم العالى مابيتكلمش. بس برضه صعب عليا الوزير وتصريحه وحاسس انه مش قادر يعيش ومحتاج مساعده.

اضف تعليق

مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق بروتوكول نشر التعليقات من اليوم السابع
الرجوع الى أعلى الصفحة