د.صبرى إسماعيل يكتب: قناة الأمل

الثلاثاء، 04 أغسطس 2015 10:06 م

قناة السويس الجديدة

اضف تعليقاً واقرأ تعليقات القراء

حاورتها بالأمل والدنيا سامعانا
لقيتها متبسّمة وخدودها فرحانة
قناة سويس الهنا بتغنّى ويّانا
قلت لها خيرك نما يا أحلى مُرجانة

خيرة شبابك هنا والحِلم فى التطوير
شريان جديد اتزرع فى القلب يا أم الخير
بالملحمة والعرق والحب والتنوير
كنز الأمل يتولد حتّى السفن هتسير

اللى بعزمه عبر بالفخر جاب نصرى
واللى فى أزمة صبر ابن البلد حصرى
واللى بطموحه حفر وبناكى كان مصرى
بالحب ييجى المطر ويا مصر تنتصرى

أصل اللى شقّك زمان بالسخرة منّينا
واللى رواكى الجنود ورجال حوارينا
واللى منوّر جبينك شعبنا فى سينا
لو قلتى آه كلّنا نحميكى بعينينا