توفيق ميخائيل يكتب: افرحى يا مصر

افرحى يا مصر ومن حقك تفرحى
فرحة مش فرحة أجير غلبان
مستنى نهاية يومه عشان يستوفى أجره
لكن فرحة انتظار مولود ابن بكر لثورة على الطغيان
رغم هول المخاطر والتحديات
ربك أراد لمصر استعادة روح كانت فيها من زمان
ماحلاكى يا مصر وانتى بتستعيدى أمجادك
وتفكرينا بالذى مضى أهرام وسد عالى كمان
يوم ماكانت شمسك ماليه الكون
والعالم شرقه وغربه لسه فى النسيان
الشعب لما يريد ويكون العزم شديد
وربك يكون راضى يعطيك الأمان
القناة قناتنا مصرية بالكمال والتمام
م الفكرة للتصميم للتنفيذ للتمويل المصرى فى الميدان
تعظيم سلام للشعب وريسه
مصر بحضارة آلاف السنين والتاريخ عنوان
نادت وصوتها زلزل عرش الظلم
ولبى الندا بطل مصرى أصيل إنسان
ظهر فى وقت الشدة مش صدفة لكن بميعاد
وعد وأوفى الوعد بقوة الإيمان
يا رب نرفع إليك قلوبنا مع عيوننا وأيدينا
احمِ مصر وريسها من غزوة الشيطان