مقدرش أعيش جوه الخيانة
مقدرش أعيش مع ناس جبانة
مقدرش أسامح دمعتَك وأنا شامة فيك ريحة الخيانة
......
بنزوة واحدة صغيرة بعت اللى كان
وبعد مرة أدمنتها وبقيت مُهان
وكل دا علشان تحس إن انت مان؟
طب روح يا مان ... أنا قلبى كان
.......
أنا قلبى غالى مايسكنوش غير أصل غالى وانت الرخيص...
ماينفعكش غير واحدة باعت كل حاجة بالرخيص
إنسان خسيس...مالهوش أمان
مطلِعش مان...وأنا قلبى كان
........
فى كل مرة تقولى تُبت ورجعتلِك؟
التوبة تبقى لربنا مش للبشر
خد كدبتك وارحل بعيد... أنا ليلى تاه منُّه القمر
وأنا مش هسامحك مهما ذليت عِزِّتك
وخلاص مسحتك من زمان
ارحل يا مان ...أنا قلبى كان
د. أحمد مصطفى حجازى يكتب: مقدرش أعيش جوه الخيانة
الإثنين، 15 يونيو 2015 10:00 م
أرشيفية
لا توجد تعليقات على الخبر
تم أضافة تعليقك سوف يظهر بعد المراجعة