قالولى يا بنية قسوة قلبه جبل عالى
قلت وماله الجبل دارى
وفى الجبل كهف
راح استر فيه حالى
وبكره
ازينه وبالخضرة واحييه
وتتغير أحواله وأحوالى
قالولى
يا بنية نضب الخير جفا
والقفر من طول العمر وطوال الليالى
قلت
وماله بالخير أنا نهر
وبكره راح يكون لى كنزى وراس مالى
قالولى
يا بنية ارجعى
قلت لاه ......
ودى آخرة أقوالى
راح اطلع الجبل واسكن الكهف
وازرعه واحصده ودى كل أمالى
قالولى ماله....
يمكن يلينك الحجر
والصوان لعيونك يبقى شىء تانى
قلت أكيد
حب قلبى دفا وبراح ووفا
ولرب العباد ندرت أخلاص أعمالى
نويت....
وعلى صخوره بالشوق ارتويت
ادمى يدى ورضيت وكأن شىء ماجرالى
قلت
وماله باعشابه راح ادوى الجروح
وعنه ما اتخلى ولا اروح
وغيره ما يحلالى
ياعالم ده جبل جف جواه الامل
لاكنه للريح بالشموخ عالى
راح اوهب ليه عمرى
وبدمى راح اروى
وعلى قمة برصع قلبى ده الغالى
وعشت
الايام والليالى بيه احلم
ولا خوفت فى يوم لا من حيه ولا عقرب
ولاكان على بالى
وقلت بكره يصير جنة
وبرضى الرضوان تحلى معاه اقدارى
وحضرت نفسى ونثرت بذرى
ودندنت وقلت فى العشق موالى
وانضر للجبل واشوفه واعر وكبير وعالى
واقول ياريت لو يكونلى بسنة رسولى حلالى
يا عالم اعرفوا
ان جوه الجبل قلب حنون
صان كتير وماعرف اللى يصون
ياعالم
ده الجبل وتدد وضهر وسند راسى وعمد
وانا ليه مهما يكون
لاكنه بعدنى
وقالى حجور الحية والعقرب يألفهم عنى
قلت لاه
لعهدى ما اخون
ضمنى ودوقنى من عذاب حجوده عساى اهرب
حنيت عله ودوبت جبروت جحوده
زعق فيا وقال ...
تريدى هيبتى تروح
واتهد واعشق كيف الحريم و انوح
قلت ابدا وربى يعلم...
ماعشت ولا اكون أن ماعرفت ليك وحدك
اعشق واكون
بعدنى اكتر واكتر
وقالى لا اقترب ولا حتى ليه انضر
دبحنى الكلام واتهدت كل أحلامى
هميت امشى ماملكت
بجواره بقلبى سكنت
عساه فى يوم يرضى ويسمع كلامى
لاكنه
بعدنى اكتر واكتر
وبحجاره جرحنى مزقنى ورمانى
اتوجعت وقلت راح اروح
طالما ما يريد الا اوجاعى والامى
حنيت عليا الارض وقالت يا بنيه اياكى
ان كنتى بقسوته عشقتيه
استنى لما ليوم بالعشق تشوفيه
والله اللى ماتعرفيه
انه كان اخضر بورد وريحان وعنبر
بس العقارب والحيات سكنوه
اعرفى انه على بعادك نادم حاسس بقسوته واثم
بس سم العقارب ولدع الحيات خلوه شوى ظالم
اتحملى
واياكى تهمليه
ولاه فى يوم توفتيه
واكيد بالنهاية راح يكونلك
فى احضانك ووياكى
وقسوته راح تنهد بقوة عشقك
اوعاكى تيأسى ده حياته معاكى
رجعت
استنى فى الصمت والليل والسكوت
عسى يحس قلبه العنود
ويعرف أن للعشق سطوة
تخلق من العدم جبل صمود
عسى يجينى فى يوم ويشتاقلى
ويعرف فى احضانى معنى الخلود
عسى وحده الصحارى وصمت الليالى
يذكروه بدمعى واشتياقى للعهود
عساه ينده عليا فى يوم
ويجى يوعدنى ولو بوعد من الوعود
خجل - صورة أرشيفية
