القصة تعود لمحمد أحمد، ومحمود حسين، وهيثم فتحى، ومحمد عادل، أربع شباب بدأوا منذ قرابة العام والنصف فكرة "الجارسون السريع" أو تقديم الطلبات بالباتيناج و تحديدا "الرول"، والذى يتكون من صف واحد فقط من العجل، لمجموعة من الكافيهات والمطاعم فى منطقة "soho square" بشرم الشيخ.
محمد هو صاحب المبادرة، ويقول: أنا ومحمود بنلعب وبندرب باتيناج من 4 سنين، وفى واحدة من عروضنا زرنا شرم الشيخ وقدمنا عرض مبهر فى المكان، وقتها قرر صاحب المكان أن تكون لنا عروض يومية، ومن هنا جاءت لنا فكرة جديدة ومختلفة.. وكان تقديم الطلبات هو أحسن أفضل الأفكار التى نفذت بالفعل.
يكمل محمود حسين: "بعد عدة أشهر انضميت لمحمد فى فكرة تقديم الطلبات، والفكرة كانت مبهرة حتى للأجانب، ومعظمهم قالوا إن التجربة جديدة عليهم وغير موجودة فى أى مكان، ومعظم السائحين التقطوا صور للذكرى معنا، وبعد فترة قصيرة أنضم لنا هيثم ومحمد عادل.
الشباب الأربعة يعملون فى المنطقة الأكثر ازدحاما، مهمتهم الأساسية هى إنقاذ المكان الذى يعانى من الزحام مثلما يقول محمود: فى الوقت الذى يقوم فيه الجارسون العادى بانجاز طلب، يكون جارسون الباتيناج أنجز 7 طلبات، عشان كده مهمتى الرئيسية بتكون اختيار المكان اللى فى زحمة أو مشكلة ومساعدته فى تقديم كل الطلبات فى أسرع وقت.
ويتابع هيثم: واحنا بنقدم بنعمل عروض فى نفس الوقت لفات خطيرة وصعبة أثناء ارتداء الجرسون الرول.
وعن المستقبل يقول "محمد عادل" مع الأسف معظم أماكن تدريب الباتيناج داخل الأندية غالية الثمن، عشان كده مشروعنا الجاى هيبقى مدرسة لتعليم الباتيناج فى الشارع وبشكل بسيط، والمهمة التانية هتكون توسيع فريق الجارسون وإضافة لاعبين تانيين ليه.
محمود حسين أثناء تقديم طلب
سيلفى مجمع لكل أعضاء الفريق بملابس العمل
أثناء التمرين على الرول
الجارسون السريع فكرة جديدة لأربع شباب فى شرم الشيخ
مع الطلبات
حل جديد لزحام الطلبات
الجارسون السريع يستعد لتقديم الطلبات
أثناء التمرين
تم أضافة تعليقك سوف يظهر بعد المراجعة