أحمد موسى: جاريدو مدرب فرفور.. وحد يفكرنى الزمالك خد الدورى أمتى

علّق الإعلامى أحمد موسى على هزيمة النادى الأهلى من نادى المقاولون خلال مسابقة الدورى العام: "الأهلى ممكن يهبط السنة دى، ممكن ينزل درجة أولى، عايزين مدرب، الأهلى يا مهندس محمود طاهر عايز مدرب، الأهلى مش الأهلى اللى احنا متعودين عليه، اللى احنا بنشجعه وبنحبه، ده مش فريقنا، دول مش لاعبيتنا، ده مش مدربنا المدرب مش مقنع"، واصفا المدرب الإسبانى كارلوس جاريدو بأنه مدرب "فرفور"، قائلا "عايزين حد بقيمة جوزيه، الدورى ضاع وانتهى، مبروك للزمالك".

وأضاف الإعلامى أحمد موسى، خلال برنامجه "على مسئوليتى"، المذاع على قناة "صدى البلد": "يا فرحة رئيس الزمالك وشه حلو على الزمالك ياخد الدورى الزمالك ليه كام سنة ما خدش الدورى، حد يفكرنى يا جماعة آخر مرة الزمالك خد الدورى، من عشر سنين، 2004، دايما كان الأهلى صانع البسمة للمصريين وأخشى أن يصارع الأهلى البقاء فى الدورى"، موجها التهنئة لنادى المقاولون العرب بفوزه على النادى الأهلى، والكابتن حسن شحاتة مدرب الفريق، وأعضاء النادى.