لو سرقت مش لازم تسرق جمل.. شباب تويتر هيسرقوا سعادة وشيوكولاتة وامتحانات

دشن مجموعة من مستخدمى موقع تويتر للتدوين القصير هاشتاج جديدا أخرج فيه الشباب رغباتهم الإجرامية الدفينة تحت عنوان "لو كنت حرامى هسرق".

الهاشتاج الذى احتل قمة تويتر جاءت عليه مجموعة من الأحلام بسرقات متنوعة وقال البعض "هسرق الخواجة كنتاكى ومش هسرق الأكل هسرق منه الخلطة السرية"، والسعادة وأقوم بتوزيعها على العالم"، و"كنت هسرق مبارك وأحمد عز وحسين سالم وكل الوزراء فى عهده ورجال الأعمال حتى هدومهم وأوزعها على الشعب".

وقال آخر "هسرق وقت زيادة معاهم، هسرق قُرب، هسرق اهتمام، هسرق ضحكة حلوة، هسرق حاجات مينفعش تتسرق أساسا".

الامتحانات كان لها جانب هام أيضا فى السرقات، وقال البعض "هسرق مخ واحد دحيح يخلصلى المنهج فى يومين.. وهرجعهوله تانى والله"، و"هسرق ورق الامتحانات كلها"، و"لو كنت حرامى هسرق مدرسين ثانوية عامة على قلبهم فلوس قد كده".

وقال آخرين: كأس العالم عشان مجدى عبد الغنى يبطل يزل فينا، وتلاجة الشوكلاتة والبيبسى.