صالح المسعودى يكتب: ست الحسن

شــــــايلك على اكتـــافى
لا ابرُك فى يوم ولا انِخْ
ولا يــنــكســـر نـــــافى
مهما البـــــــلاوى ترُخْ
مـا انــا أصلى راسمـالك
البـــــكرى ف عيــــالك
لحم الضلـــــــوع الحى
مش جاى لــجل الورث
عِــــــدِّينى أصغر ترس
دورى وجيــــبى قماش
عيـــــشى عشـان قلبى
وانشــالله قلبى ماعاش
********
فـــــاكر دفــــا سقفِك
وحيطــــانك الطيـــنة
وتمِــدِّى أنفـــــــاسك
بالليـــــــل تغطِّيـــــنا
يــــــامـــا حاوِطتيـنا
م البرد بجنـــاحِــــك
ومشينا فى براحِــك
والهـــامة مرفـــوعة
وتكــونى موجـــوعة
وتـرُشِّى أفـــراحِــــك
عــاشقـِك ومــــدَّاحِك
مستنّــِى بس الأمـــر
يكبش بإيــــدهُ الجمر
عـلشــان مـا تـتدَفِّى
قومى اصلُبى طـولى
واللهِ لَــــتْخِـــــفّـــــِى
وتبــــعــتَرى نــــَـوَّار
خدِّك على كــــتـــفى
**********
فــــاكر صنـيـع يــَدِّك
غرقــان فى معروفِكْ
واشــم على قلـبى _
ياحنـيـِّنـه_ حروفــك
عشمـان بقى اشوفِك
متــبَــسِّمة تــــــــانى
لا تقــولى آه يـــــانى
ولا تشتــكى م القــهر
وَرِّى الضبـاع صبرِك
يا مرضَّعـــــانى الصَّبر
هِـــدِّى عليـهم قــبـــر
فَحَتـــوه لِجــثـمــــانك
معلــــوم هـيـهــزِمـهم
جَـلـَدِك وإيـمـــــــــانك
وتخَـــطِّى بحصــــانِك
من فــوق بحـور الهَم
لو يَــــــمِّ ينطـــح يَــمْ
وتـــلاقى أفــــراحـــك
متـــشــوِّقة ع البـــــَر
متــزوَّقة بخيــــــــرك
ومولَّــعة بخـــــــورِك
بعد امّـــا زال الشَّـــــر