سيد منيرعطية يكتب: فيكى أحلى نهار

لما بدخل جوّه عينك
بلتقينى
وامّا بدخل جوّه حُضنك
يحتوينى
أى شىء بينك وبينى
يبقى دايما طعم تانى
فيكى أحلى نهار بشوفه
بيكى قلبى بيرمى خوفه
كل شىء وحسب ظروفه
كل شىء مليان معانى
الحياة.. ف عيونى إنتى
والغرام.. مخلوقلك انتى
إنتى دايما يا حبيبتى
للفؤاد أغلى الأمانى
يروى قلبى عبير شفايفك
عز نومى ببقى شايفك
ياللى قلبى راح ف صفّك
يعزف الأشواق أغانى
بيكى عمرى اللى ابتديته
فيكى قلبى بناله بيته
كنتى حلم كبير لقيته
خدنى فيكى لحلم تانى
هاتى طعم الشهد أسكر
خلّى دمّى يبقى سُكّر
قلبى طمّاع .. هاتى أكتر
دا الزمان قبلك نسانى
م النهارده خلاص ياروحى
رح تطيب فعلا جروحى
يا عطور الورد فوحى
دى الحياة.. عرفت مكانى