صالح المسعودى يكتب: المتسلق

شــابط فى كل العصــور

حـــــــــالف لَـتِــتْمــنجَة

بوكسِة ليمـــون فى الشتا

فى الصيف قفص مانجة



ع المـتن رامى الشبــــك

ومالـكشِ فى التَّــهـمـيش

ميكروب ملاريـا ورشق

على أى شكـل يعيــــش

شهر الصيــــام أن بـــدأ

يلاقيــك بلــح وياميــش

يـفـقِـس هـلال العيـــــد

تصبحْ سَبَـــت رِنـجـــة

سِبحَــة فى يَدِّ الــــوَلىْ

للحشــاشيـــن (غــابـة)

كوكتيل صلاح وفسـاد

وتَــفــاهـه ومَــهـــــابة

شـوبشْ لأهـل الفـــرح

للحُـــــزن نَـــــدَّابـــــة

دايمـــًا علـى استعـداد

للدُخْــلـة والخَـــارجـة



بالع جالــون شعـــارات

ثــورى. أكيــــــد ثورى

وأمَّا الميـــدان يـزدِحــم

تقلِــب عميـــل فـــورى

تدلق غضب عالحـطب

وعلى النيــران تــورى

رافع بـيَـــدَّك عَــلَــــــم

مربــوط على سِنجَـــة

مــات الملك أو عــاش

وَيَّــــــاك ولا تفــــرق

فَــرْح، وبُكـا موجـــود

ع النَّاحيـتـيـن تِحـزَق

ومنين نجـيــــب مبدأ

لـِلِّى مــــالــوش مبدأ

كــاسر قُلَل مَن راح

شايل مداس مَن جَه


تِــتـهَـدِّم التِــــــركــَة

تنهب بواقى الحيــط

وان جَفِّت البِـــركــة

بتصَدَّر القــراميـــط

وان فضت الشركـة

دايما غويط وحويط

كــدَّاب تعدى بحـور

وبـكـدبِتَـك تِنْـــــجى

عَوَّام فى بحـر الزيــف

خَيَّـــال على المـوجـــة

ســاكت مع الساكـــتين

هـــايج مع الهـــــوجـة

والداهية ليك وضعــك

فوق دنيــا معــــوجة

إمتــى تفـوق يـــا وطن

وتصَــــلَّح العَـــــوْجة