ودى وردة منى تحية لأمى
اللى شايلة همى
وحبها فى دمى
ونبض فؤادى
وبسمة حياتى
وسر وجودى
وصالبة عودى
تحس بسكوتى
وتحضن حزنى
فى وسط برودى
فى وسط الأسية
الاقيها جاية
تطبطب عليه
بكل حنية
أحس الكون ملك أيديه
ولو زعلت منى
تبكى عنيه
وأقول سامحينى
حقك عليه
طول عمرك شايلة المسئولية
وفى وسط ليلى شمعة مضوية
وفى وسط بردى دفى الحنية
تعشقينى لحظة جنانى
وفى عقلى تقولى يااااااااااانى
شكلك كدة حد تاااااااااااانى
صحيح بتضحك بس جواك بتعانى
صرحان فيه ولا فاتك عنوانى
اقولى اطربينى يانغمة كمانى
بحب صوتك يطرب ودانى
مانتى حبيبتى ومربيانى
عارفة طباعى
ومن غير ماتكلم سمعانى
اقول كمان
مش لاقى كلام يوصفك
يا أجمل هدية اتخلقت ليه
ودى وردة هدية تحية لأمى.
تعبيرية عن حنان الأم - أرشيفية
لا توجد تعليقات على الخبر
تم أضافة تعليقك سوف يظهر بعد المراجعة