بنسى كل الدنيا
واجرى أدور ع الحقيقة
ببقى عاوزة أكون لوحدى
لو لثانية أو دقيقة.
نفسى أشيل الخوف
شوية
وأبقى من الآخر جريئة
أصل كل مشكلتى
إنى طول عمرى بريئة
أحيانا
ببقى عاوزة أكون أميرة
جنب منى يكون أمير
كل لبسى م البداية للنهاية
يكون حرير
والأمير جوه قلبى يكون أسير
نفسى أسمع وأنا جنب
بحر قلبه صوت هدير
كل نفسى أن أدفن
كل حزنى فى ألف جب فى ألف بير
نفسى أمشى ف دنيا واسعة
يبقى كل شخص فيها
عنده شوية ضمير
صورة أرشيفية
لا توجد تعليقات على الخبر
تم أضافة تعليقك سوف يظهر بعد المراجعة