ويضيف الليثى فى الحلقة "يعنى تلاقى الواحد خد الجانب الأيمن أو الأيسر من الشارع وقفله بجنزير وعمله موقف خاص، ودا بيتم بدون تصريح لا من الحى ولا من الداخلية، وتضطر العربيات تركن فى الممنوع بينما فيه أماكن فاضية لكنها تحت الإغلاق بالجنازير".
"بالإضافة إلى محلات أو منازل بتقفل الشارع لمنع مرور أو ركن السيارات، كل ده بيتم من غير قانون ولا عرف ولا تصريح، وبيمثل ظاهرة من سنوات، وطبعا الشخص اللى بيعمل كده مابيلاقيش حد يسأله أو يزيل الإشغالات.. حالة صمت من الجهات المسئولة".
"والنتيجة إن الزحمة مستمرة، والشوارع مقفولة، وبيتحكم فيها بلطجية أو خارجين على القانون. وبصراحة الناس اللى بتشتكى عندهم حق مش شايفين قانون ولا حساب والشارع العام زى الرصيف خارج نطاق الخدمة، وفى خدمة الجنازير"، ويرأس تحرير البرنامج أكرم القصاص ومن إخراج تامر حسنى.
موضوعات متعلقة :
الأحد.. أولى حلقات برنامج "كلمة ونص" لعمرو الليثى على "الشرق الأوسط"
