شاهدة فى قضية تبادل الزوجات: أوقعت بالمتهم ولم يعاشرنى.. وخالد: "محصلش" ..مريم: خالد قال لمراته روحى مع زكريا «أوضة» ودخل معايا غرفة تانية فشاغلته حتى وصلت المباحث

نقلا عن اليومى

تستكمل «اليوم السابع» انفرادها بنشر نص تحقيقات النيابة العامة فى قضية تبادل الزوجات المتهم فيها محام وزوجته بتكوين شبكة لممارسة الجنس بالتبادل مع المتزوجين، حيث استمع أيمن المنشاوى، وكيل أول النيابة، لأقوال شاهدة اتفقت مع الشاهد الأول على الإيقاع بالمتهم وزوجته وإبلاغ الشرطة عنهم متلبسين.

وردا على سؤال النيابة للشاهدة ما معلوماتك بشأن الواقعة محل التحقيق، قالت: «اللى حصل إنه يوم 6 يناير زكريا صديقى أبلغنى بوجود صفحة على الفيس بوك تدعو لتبادل الزوجات، وأنه اتفق معاهم أن يتقابل معاهم عشان يشوف آخرة الموضوع ده إيه من باب الفضول، وبعد كده إدانى رقم شخص يدعى خالد، وزكريا خد رقم نشوى زوجة المتهم وحدثت مكالمات بينهم وبعتوا صور لبعض، وخالد بعتلى صور لنفسه وأولاده، وبعت لزكريا صور لمراته بقميص أزرق، واتفق معاه على تبادل الزوجات، وبعد كده اتقابلنا فى كافيه بمدينة نصر واتفقنا على تبادل الزوجات، وخالد طلب منى نتمشى فى الشارع واتكلم معايا فى موضوع تبادل الزوجات، وزكريا كان قعد مع نشوى فى الكافيه وبعد كده انتهى اللقاء وطلبت من صديقى إنهاء الموضوع على كده، لكن العقيد شريف طلب مننا نكمل عشان يتمسكوا متلبسين.
واتفقنا على تحديد يوم 28 يناير لممارسة الجنس بالتبادل داخل شقة المدعو خالد، وبعد كده وصلنا بيته ودخلنا شقته واتفقنا كل واحد ياخد مرات الثانى فى غرفة ودخل زكريا مع زوجة المتهم فى غرفة وكان الاتفاق أنى أخش مع خالد غرفة الأطفال، ولكنى تحججت بدخولى التواليت حتى وصلت الشرطة وقبضت على كل الموجودين.

س: وما طبيعة الاتفاق المبرم بينك وبين المدعو زكريا؟

ج: صديقى زكريا قاللى على موضوع تبادل الزوجات وقاللى هتلعبى دور مراتى عشان نشوف آخرة الموضوع ده إيه.

س: وما طبيعة الحوار الذى دار بينك وبين المدعو خالد أثناء اللقاء؟

ج: هو قاللى إنه هيبقى زى جوزى وإن فى مشاكل بينه وبين مراته نشوى، والموضوع ده «تبادل الزوجات» بيحل مشاكل كتير بين الأزواج ويجعله يشعر بمتعة جنسية، وبادلته الحديث.

س: هل قمتم بتسجيل الحوار فى ذلك اللقاء؟

ج: أيوه.

س: هل قمت بالاستمرار مع المدعو خالد فى الحديث؟

ج: على الواتس آب والمكالمات الهاتفية.

س: ومن قام بالدخول إلى الغرفة؟

ج: نشوى بعد ما غيرت ولبست قميص نوم أزرق دخلت مع زكريا غرفة الأطفال وأنا دخلت مع خالد غرفة نومه.

س: وما الذى حدث بينكم؟

ج: أنا قلتله هدخل الحمام عشان أضيع وقت لغاية ما الشرطة جت ومسكتهم.
ينتقل التحقيق مع المتهم «خالد.ا» زوج المتهمة «نشوى» حيث يواجهه المحقق بالآتى:

س: ما قولك فيما هو منسوب لك من أنك متهم بمعاونة أنثى، وهى نشوى، على ممارسة الدعارة كما هو مبين بالأوراق؟

ج: محصلشى.

س: ما قولك فيما هو منسوب لك من أنك متهم بإدارة منزلك لممارسة الفجور والدعارة وقبلت أشخاصا يقومون بذلك؟

ج: محصلشى.

س: ما قولك فيما هو منسوب لك من أنك متهم بالإعلان عن طريق موقع التواصل الاجتماعى عن دعوة ممارسة الدعارة بطرق تبادل الزوجات؟

ج: محصلشى.

س: ما الذى حدث إذًا وما ظروف ضبط وإحضارك؟

ج: من حوالى شهر تعرفت على «زكريا ومريم» على أساس أنهم عايزين شغل منى كمحام وبقت العلاقة أسرية وهى قالت معندهاش أولاد وعايزة تتعرف على أولادى ولقيتهم إمبارح دخلوا بيتى بعد إلحاح شديد عايزين يخرجوا معانا فقلت لمراتى خشى غيرى هدومك ولقيتهم دخلوا قعدوا فى الصالة و«مريم» دخلت الحمام ومراتى كانت بتغير هدومها ولقيت البوليس دخل البيت ومكانش مع مراتى حد وكانت لابسة الأندر والبوليس دخل جابها من جوة غرفة النوم وجينا كانت فى الحمام وأنا اللى فتحت الباب للبوليس.

س: وكيف تعرفت على المدعو زكريا وجينا؟

ج: أنا كنت واقف فى محطة أتوبيس واتعرفت عليه وقاللى إنه محامى وقلتله أنا محامى وقاللى عايزين نبقى صحاب ويكون فى علاقة أسرية بينا.

س: هل قام المدعو زكريا بالاتصال بك؟

ج: أيوه.

س: وماذا دار بذلك الاتصال؟

ج: هو قاللى عندى شغل والمدام بتاعته عايزانى فى شغل.

س: وهل حدث اتصال بينك وبين زوجته المدعوة مريم؟

ج: أيوه.

س: وكيف تم التوصل لرقم هاتفها؟

ج: هى أخدت الرقم منه وكلمتنى.

س: ما مضمون تلك المكالمات؟

ج: هى كانت بتتكلم عن زكريا كلام عادى وبعدين لقيتها بتكلمنى على الواتس آب كلام كده مريحنيش وعايزة تتقرب منى وتبعتلى صورها.

س: هل حدث تواصل بينها وبين زوجتك.

ج: تقريبا مرة واحده مريم كلمت مراتى على التليفون.

س: متى وأين تم التقابل بينكم؟

ج: أول مرة اتقابلنا فى كافيه بمدينة نصر.

س: وما سبب ذلك اللقاء؟

ج: خروجة أسرية.

س: وما طبيعة المكالمات التى دارت بينك وبين المدعوة مريم؟

ج: هو كلام عادى جدا جدا عن مشاكل أسرية.

س: وهل تطرق الحديث إلى إيحاءات جنسية؟

ج: هو حدث إيحاءات من مريم بس.

س: وما طبيعة الحوار الذى دار بينك وبين المدعوة مريم؟

ج: كانت بتقولى عايزك أشوفك وأحضنك وأبوسك.

س: وهل حدث بينكم لقاءات أو محادثات؟

ج: كان فى كلام بينى وبين زكريا وكلام مع مريم كانت بتقولى عايزة أنام فى حضنك.

س: هل كان مع زوجتك المدعو زكريا يمارس معها الدعارة؟

ج: محصلشى.

تم مواجهة المتهم بالتسجيلات وأنكر ما جاء بمضمونها.

موضوعات متعلقة..

فى تحقيقات النيابة بقضية تبادل الزوجات بمدينة نصر.. المتهم صور زوجته بملابس مثيرة وأرسلها لراغب متعة عبر "واتس آب".. والشاهد: "مراته قالتلى أنا محتاجالك لأن جوزى مبيريحنيش".. وأبلغت الشرطة عن الميعاد


انفراد.. نص التحقيقات فى قضية تبادل الزوجات.. نشوى: جوزى أخد "جينا" فى أوضة وجوزها أخدنى فى أوضة وحضن وباس وقلعنى هدومى وفجأة البوليس طب علينا.. أنا وافقت على الجريمة دى عشان أحافظ على البيت