أهل الطيبة أكيد عايشين
وهما أساس للبنى آدمين
اوعى تغير لونك مرة
وتمشى ف نهج الكذابين
امشى طريقك بنور الخير
خلى القلب أبيض وكبير
سيب الهم ف بكرة مصير
تلقى الرحمة وقلب حنين
عدى بحور الهم وسافر
سيب الحزن ولو بيعافر
انسى الجرح وخليك فاكر
ربك جنب الطيبين
دنيا راحلة واحنا كمان
ماشىء فاضل ولا إنسان
سامح وارجع للرحمن
تنسى تعبك من المشاوير
صفى القلب وفضى همومه
راجع حساباته وف يومه
قول الحق وماتخاف لومه
وأهل العقل أكيد فاهمين
مدّ الكف وساعد غيرك
نَظمّ صفك صحى ضميرك
خلَّى اللون أبيض مع طيرك
عهدك يفضل ولو لسنين
شخص مبتسم
مشاركة
اضف تعليقاً واقرأ تعليقات القراء
مشاركة
اضف تعليقاً واقرأ تعليقات القراء
لا توجد تعليقات على الخبر
تم أضافة تعليقك سوف يظهر بعد المراجعة