د.هانى العسلى يكتب: بدأت وكملت

بدأت من زمان ... بدأت لما البلد اتسابت للسوس زى الإخوان والجمعيات الحقوقية، ينخر فى جسدها، كملت لما الشعب ثار من غير ما يفكر فى اللى جاى واللى هيحكم، كملت لما الناس سابت نفسها للإعلام ومدعى الثورية والمثالية اللى خربوا وشوهوا الكل، كملت لما الناس هاجمت الشرطة وشتمت الجيش، كملت لما الناس سلمت بلدها لأصحاب فكر تكفيرى وصدقوا أعوانهم اللى أعلنوا انفصالهم عنهم، كملت لما السخرية من أى قيمة بقت القاعدة العامة، كملت لما فقد الناس معنى الانتماء ومعنى الثقة فى بلدها، كملت لما الكل بقى يفتى وينشر إشاعات مجهولة المصدر، كملت لما الكل صدق أن التحرير جنة وهو الحل لأى مشكلة، كملت لما الحكومات بقت مبتعملش حاجة ومش قد المسئولية، كملت لما الناس بقت بتبرر للإرهاب والتخريب، كملت لما كل واحد بقى بيدور على مجد شخصى على حساب بلده، كملت لما الناس بقت بتفرح فى مصايب بلدها ومش شايفين اللى حواليهم واللى بيتدبر لبلدهم، كملت وكملت وكملت .. ربنا يستر على اللى جاى . ربنا يحفظ مصر و يحفظ ولادنا.